Габр Габрэям, раздзел Пасланне да Габрэяў, раздзел 10
Закон, маючы цень будучых дабротаў, а не самы вобраз рэчаў, аднымі тымі самымі ахвярамі, якія кожны год стала прыносяцца, ніколі ня можа зрабіць дасканалымі тых, што прыходзяць зь імі.Кал 2:17
Інакш перасталі б прыносіць іх, бо ахвяравальнікі, ачышчаныя адзін раз, ня мелі б ужо ніякага ўсьведамленьня грахоў.Ляв 16:34
Але ахвярамі штогод робіцца напамін пра грахі;
бо немагчыма, каб кроў цялят і казлоў зьнішчала грахі.Міх 6:7; Габр 9:12
Таму Хрыстос, уваходзячы ў сьвет, кажа: «ахвяры і прынашэньня Ты не захацеў, але цела падрыхтаваў Мне.
Усеспаленьні і ахвяры за грэх не даспадобы Табе.1Цар 15:22
Тады Я сказаў: вось, іду, як у пачатку кнігі напісана пра Мяне, выканаць волю Тваю, Божа»;Пс 39:7; Ян 5:46
сказаўшы раней, што ні ахвяр, ні прынашэньняў, ні ўсеспаленьняў, ні ахвяры за грэх, - якія прыносяцца паводле закона, - Ты не захацеў і не ўпадабаў,
потым дадаў: «вось, іду выканаць волю тваю, Божа». Адмяняе першае, каб пастанавіць другое.
Па гэтай вось волі асьвечаныя мы аднаразовым прынясеньнем Цела Ісуса Хрыста.Габр 9:28
І кожны сьвятар штодзень стаіць у служэньні і шмат разоў прыносіць адны і тыя самыя ахвяры, якія ніколі ня могуць зьнішчыць грахоў.Габр 9:9
А Ён, прынёсшы адну ахвяру за грахі, назаўсёды сеў праваруч Бога,Габр 1:3
чакаючы потым, пакуль ворагі Ягоныя будуць пакладзены «падножжам ног Ягоных».Пс 109:1; Пс 2:8; 1Кар 15:25; Габр 1:13
Бо Ён адным прынашэньнем назаўсёды зрабіў дасканалымі тых, хто асьвячаецца.
Пра гэта сьведчыць вам і Дух Сьвяты; бо сказана:
«вось запавет, які завяшчаю ім пасьля тых дзён, кажа Гасподзь: увяду законы Мае ў сэрцы іхнія, і ў думках іхніх напішу іх,Рым 11:27; Габр 8:8
і грахоў іхніх і беззаконьняў іхніх не ўзгадаю больш».Ер 31:33
А дзе ёсьць дараваньне грахоў, там не патрэбнае прынашэньне за іх.
І вось, браты, маючы адвагу ўваходзіць у сьвяцілішча праз Кроў Ісуса Хрыста, шляхам новым і жывым,Ян 10:9; Ян 14:6
які Ён зноў адкрыў нам праз заслону, гэта значыцца, праз плоць Сваю,Мц 27:51
і маючы вялікага Сьвятара над домам Божым,1Цім 3:15
прыступайма са шчырым сэрцам, з поўнаю вераю, крапленьнем ачысьціўшы сэрцы ад пахібнага сумленьня, і абмыўшы цела вадою чыстаю,Ляв 16:4; Езк 36:25; 2Кар 7:1; Эф 5:26
будзем трымацца вызнаньня надзеі непахісна, бо верны Той, Хто абяцаў;
будзем уважлівыя адно да аднаго, заахвочваючы ў любові і добрых учынках;
ня будзем пакідаць сходу свайго, як гэта ў некаторых у звычаі; а будзем намаўляць адно аднаго, і тым болей, чым выразьней бачыце набліжэньне дня таго.2Пётр 3:8
Бо, калі мы, атрымаўшы спазнаньне ісьціны, самахоць грэшым, дык не застаецца больш ахвяры за грахі,Габр 6:4
а нейкае страшнае чаканьне суду і лютасьці вагню, гатовага зжэрці супраціўцаў.Саф 1:18
Калі чалавек, які адкінуў закон Майсееў, пры двух і трох сьведках, безь мілажалю караецца сьмерцью,Дрз 17:6; Дрз 19:15; Мц 18:16; Ян 8:17; 2Кар 13:1
дык наколькі ж цяжэйшае, думаеце, кары варты будзе той, хто топча Сына Божага і не ўважае за сьвятыню Кроў запавета, якою асьвечаны, і Духа мілаты абражае?
Мы ведаем Таго, Хто сказаў: «у Мяне адпомста, Я аддам, кажа Гасподзь». І яшчэ: «Гасподзь будзе судзіць народ Свой».Дрз 32:35; Рым 12:19
Страшна трапіць у рукі Бога жывога!Лк 12:5
Успомніце ранейшыя дні вашыя, калі вы, дасьведчаныя, вытрымалі вялікі подзьвіг пакутаў,
то самі сярод глумленьня і зьдзекаў, служачы відовішчам іншым, то будучы супольнікамі тых, што гэта зазналі;
бо вы і маім кайданам спагадалі, і рабунак маёмасьці вашай прымалі з радасьцю, ведаючы, што ёсьць у вас на нябёсах маёмасьць лепшая і непрамінушчая.Дзеі 21:11
Дык не пакідайце спадзяваньня вашага, якое мае атрымаць вялікую аддзяку.Мц 5:12
Цярплівасьць патрэбна вам, каб, выканаўшы волю Божую, атрымаць абяцанае;
«яшчэ крыху, зусім крыху, і Той, Хто мае прыйсьці, прыйдзе і не забавіцца.
Праведны вераю жыць будзе; а калі хто завагаецца, ня хінецца да таго душа Мая».Абак 2:3; Рым 1:17; Гал 3:11
А мы ня з тых, што вагаюцца на пагібель, а стаім у веры на ратунак душы.