Ordspråkene 22 i ulike oversettelser
Пераклад Сёмухі
22:1
Сёмуха
Добрае імя лепшае за вялікае багацьце, і добрая слава лепшая за срэбра і золата.
22:2
Сёмуха
Багаты і бедны сустракаюцца адзін з адным; таго і другога стварыў Гасподзь.
22:3
Сёмуха
Разумны бачыць бяду і хаваецца; а нявопытныя ідуць наперад, прымаюць кару.
22:4
Сёмуха
За пакораю ідзе сьледам страх Гасподні, багацьце і слава і жыцьцё.
22:5
Сёмуха
Церні і сеткі на дарозе падступнага; хто беражэ душу сваю, адыдзіся ад іх.
22:6
Сёмуха
Наставі юнака на пачатку шляху яго: ён ня збочыць зь яго, калі і састарыцца.
22:7
Сёмуха
Багаты пануе над бедным, і даўжнік робіцца рабом пазычальніка.
22:8
Сёмуха
Хто сее няпраўду, пажне буру, і біч гневу яго прападзе.
22:9
Сёмуха
Міласэрны будзе дабраславёны, бо дае беднаму ад хлеба свайго.
22:10
Сёмуха
Прагані блюзьнера, і зьнікне разлад, і выйдзе зь ім свара і кляцьба.
22:11
Сёмуха
Хто любіць чысьціню сэрца, той мае прыемнасьць на вуснах, таму цар - сябар.
22:12
Сёмуха
Вочы Госпада ахоўваюць веды, а словы вераломнікаў Ён абвяргае.
22:13
Сёмуха
Гультай кажа: «леў на вуліцы! сярод плошчы заб'юць мяне!»
22:14
Сёмуха
Глыбокая прорва - вусны распусьніц; на каго ўгневаецца Гасподзь, той упадзе туды.
22:15
Сёмуха
Глупства прывязалася да сэрца юнака; але дубец выхаваньня адвядзе яе ад яго.
22:16
Сёмуха
Хто крыўдзіць беднага, каб памножыць сваё багацьце, і хто дае багатаму, той зьбяднее.
22:17
Сёмуха
Прыхілі вуха тваё, і слухай словы мудрых, і сэрца тваё павярні да маіх ведаў;
22:18
Сёмуха
бо добра будзе, калі ты будзеш хаваць іх у сэрцы тваім, і яны будуць таксама на вуснах тваіх.
22:19
Сёмуха
Каб надзея твая была на Госпада, я вучу цябе і сёньня, і ты памятай.
22:20
Сёмуха
Ці ж ня пісаў я табе тройчы ў парадах і ў настаўленьні,
22:21
Сёмуха
каб навучыць цябе дакладным словам ісьціны, каб ты мог сказаць словы ісьціны тым, хто папытае ў цябе?
22:22
Сёмуха
Не абірай беднага, бо ён бедны; і не заціскай няшчаснага ў браме;
22:23
Сёмуха
бо Гасподзь заступіцца за справу іхнюю і забярэ душу ў рабаўнікоў іхніх.
22:24
Сёмуха
Не сябруй зь гняўлівым і ня супольнічай з чалавекам запальчывым,
22:25
Сёмуха
каб ня стаць на шляхі ягоныя і не наклікаць пятлі на душу тваю.
22:26
Сёмуха
Ня будзь з тых, якія даюць рукі і ручаюцца за пазыкі.
22:27
Сёмуха
Калі табе няма чым заплаціць, дык навошта даводзіць сябе, каб узялі пасьцель тваю з-пад цябе.
22:28
Сёмуха
Не перасоўвай мяжы даўняй, якую правялі бацькі твае.
22:29
Сёмуха
Ці бачыў ты чалавека спраўнага ва ўчынках сваіх? Ён будзе стаяць перад царамі; ён ня будзе стаяць перад простымі.