Psa Mga Salmo, salmo Ang Libro sa Mga Salmo, salmo 72
Awit ni Solomon.
O Dios, tudloi ang hari
sa imong pamaagi sa paghukom ug pagkamatarong,Dan 7:27; Isa 11:5
aron hukman niya diha sa pagkamatarong
ang imong katawhan, labi na ang mga kabos.Isa 32:1
Hinaut pa nga ang mga bukid
ug mga bungtod mohatag ug panalangin
sa imong katawhan samtang nagkinabuhi sila nga matarong.1Ki 4:24; Eph 2:14
Hinaut pa nga labanan ug tabangan sa hari ang mga kabos,
ug laglagon niya ang mga nangdaog-daog kanila.Psa 45:4; Isa 11:4
Hinaut pa nga magpadayon ang iyang paghari72:5 magpadayon ang iyang paghari: mao kini sa Septuagint; apan sa Hebreo, tahoron nila. hangtod sa kahangtoran pinaagi sa iyang mga kaliwat,
samtang adunay adlaw ug aduna pay bulan.Jer 31:36
Hinaut pa nga mahisama siya sa ulan
nga naghatag ug tubig sa kalibotan.Jdg 6:36; 2Sa 23:4
Sa panahon sa iyang paghari,
hinaut nga molambo ang katarong,
ug molungtad ang mauswagon nga kahimtang sa mga tawo
hangtod sa kahangtoran.Isa 35:1; Hos 14:5
Hinaut pa nga maghari siya gikan sa usa ka dagat hangtod sa pikas dagat,72:8 gikan…dagat: tingali ang buot ipasabot, gikan sa Patay nga Dagat hangtod sa Dagat sa Mediteraneo.
ug gikan sa Suba sa Eufrates hangtod sa kinatumyan sa yuta sa Israel.72:8 hangtod…sa Israel: mao ang disyerto sa Sinai. Ang Hebreo niini mahimo usab nga hubaron nga, hangtod sa kataposan sa kalibotan.1Ki 4:21
Hinaut pa nga ang iyang mga kaaway nga nagpuyo sa kamingawan moyukbo kaniya
ug magpailalom sa iyang gahom.
Hinaut pa nga ang mga hari sa Tarshish,
sa mga isla, sa Sheba,
ug sa Seba mohatag kaniya ug mga gasa
sa pagpaila nga nagpasakop sila kaniya.Psa 45:12
Hinaut pa nga ang tanang hari magpasakop kaniya
ug ang tanang kanasoran moalagad kaniya.Psa 22:29; Rev 21:24
Kay gitabangan niya ang mga pinasagdang
mga kabos ug timawa nga nangayo ug tabang kaniya.
Naluoy siya sa mga timawa ug mga kabos,
ug gitabangan niya sila.Jhn 5:7
Giluwas niya sila gikan sa mga nangdaog-daog
ug nanghasi kanila,
kay ang ilang mga kinabuhi bililhon kaniya.
Hinaut nga hatagan ug taas nga kinabuhi ang hari!
Hinaut pa nga hatagan siya ug bulawan gikan sa Sheba.
Hinaut nga i-ampo siya sa kanunay nga panalanginan siya sa Dios.Isa 53:10; Heb 7:16
Hinaut pa nga modaghan ang mga abot sa yuta,
bisan sa kinatumyan sa mga bukid.
Hinaut pa nga mahimo kining sama kamabungahon
sa bukid sa Lebanon.
Hinaut pa nga modaghan ang mga lumulupyo sa mga lungsod
sama sa mga sagbot sa mga kaumahan.Isa 27:6; Hos 14:5; Zec 10:8
Hinaut pa nga dili malimtan ang ngalan sa hari
hangtod sa kahangtoran samtang aduna pay adlaw.
Hinaut pa nga pinaagi kaniya panalanginan ang tanang kanasoran,
ug ang kanasoran moisip kaniya nga bulahan.Gen 12:3; Gal 3:8; Gal 3:16
Dalaygon ang Ginoong Dios, ang Dios sa Israel,
nga mao lang gayod ang naghimo sa katingalahang mga butang.1Ch 16:36; Luk 1:68
Dalaygon ang iyang pagkagamhanan sa walay kataposan.
Makita sa mga tawo sa tibuok kalibotan ang iyang pagkagamhanan.
Amen! Amen!Isa 6:3
Mao kini ang kataposan sa mga pag-ampo ni David nga anak ni Jesse.