Нав Ісус Навін, раздзел Кніга Ісуса Навіна, раздзел 21
Правадыры пакаленьняў лявіцкіх прыйшлі да Элеазара сьвятара і да Ісуса, сына Нава, і да правадыроў пакаленьняў сыноў Ізраілевых,
і казалі ім у Сіломе, у зямлі Ханаанскай, і сказалі: Гасподзь загадаў праз Майсея даць нам гарады на жыхарства і прадмесьці іх пад быдла наша.Лік 35:2
І далі сыны Ізраілевыя лявітам з надзелаў сваіх, паводле загаду Гасподняга, гэтыя гарады з прадмесьцямі іх.1Пар 6:64
Выпала жэрабя плямёнам Каатавым; і дасталася па жэрабі сынам Аарона сьвятара, лявітам, ад племя Юдавага і ад племя Сымонавага і ад племя Веньямінавага трынаццаць гарадоў;2Пар 31:15
а астатнім сынам Каата ад родаў племя Яфрэмавага і ад племя Данавага і ад палавіны племя Манасіінага паводле жэрабя дзесяць гарадоў;
сынам Гірсонавым - ад родаў племя Ісахаравага і ад племя Асіравага і ад племя Нэфталімавага і ад палавіны племя Манасіінага ў Васане па жэрабі трынаццаць гадоў;
сынам Мэрарыным, паводле іх родаў, ад племя Рувімавага, ад племя Гадавага і ад племя Завулонавага - дванаццаць гарадоў.
І аддалі сыны Ізраілевыя лявітам гэтыя гарады з прадмесьцямі іх, як загадаў Гасподзь праз Майсея, паводле жэрабя.
Ад племя сыноў Юдавых і ад племя сыноў Сымонавых далі гарады, якія названы паводле імя:
сынам Аарона, з родаў Каатавых, з сыноў Лявіі,1Пар 6:54
далі Кірыят-Арбы, бацькі Энакавага, інакш Хэўрон, на гары Юдавай, і прадмесьці яго вакол яго;Нав 14:13; Нав 15:13
а поле гэтага горада і сёлы яго аддалі ва ўласнасьць Халеву, сыну Ефаніінаму.1Пар 6:56
І вось сынам Аарона сьвятара далі горад сховішча забойцаў, Хэўрон і прадмесьці яго, Ліўну і прадмесьці яе,Нав 10:29
Іятыр і прадмесьці яго, Эштэмо і прадмесьці яго,
Халон і прадмесьці яго, Давір і прадмесьці яго,
Аін і прадмесьці яго, Юту і прадмесьці яе, Бэт-Шэшэм і прадмесьці яго: дзевяць гарадоў ад двух плямёнаў гэтых;Нав 15:10; 1Цар 6:9
а ад племя Веньямінавага: Гаваон і прадмесьці яго, Геву і прадмесьці яе,2Цар 2:12; Ер 28:1
Анатот і прадмесьці яго, Алмон і прадмесьці яго: чатыры гарады.3Цар 2:26; Іс 10:30; Ер 1:1
Усіх гарадоў сынам Ааронавым, сьвятарам, трынаццаць гарадоў з прадмесьцямі іх.
І родам сыноў Каатавых, лявітаў, астатнім з сыноў Каатавых, паводле жэрабя іхняга, дасталіся гарады ад племя Яфрэмавага;1Пар 6:61
далі ім горад сховішча забойцаў, Сіхем і прадмесьці яго, на гары Яфрэмавай, Газэр і прадмесьці яго;Нав 20:7
Кіўцаім і прадмесьці яго, Бэт-Арон і прадмесьці яго: чатыры гарады;
ад племя Данавага: Элтэке і прадмесьці яго, Гівэтон і прадмесьці яго,
Аялон і прадмесьці яго, Гат-Рымон і прадмесьці яго: чатыры гарады;
ад палавіны племя Манасіінага: Фаанах і прадмесьці яго, Гат-Рымон і прадмесьці яго: два гарады.Суд 1:27
Усіх гарадоў з прадмесьцямі іх пастатнім родам сыноў Каатавых дзесяць.
А сынам Гірсонавым, з родаў лявіцкіх: ад палавіны племя Манасіінага горад сховішча забойцам, Галан у Васане і прадмесьці яго, і Бээштэру і прадмесьці яе: два гарады;1Пар 6:62; Нав 20:8
ад племя Ісахаравага: Кішыён і прадмесьці яго, Даўрат і прадмесьці яго,
Ярмут і прадмесьці яго, Эн-Ганім і прадмесьці яго: чатыры гарады;
ад племя Асіравага: Мішал і прадмесьці яго, Аўдон і прадмесьці яго,1Пар 6:74
Хэлкат і прадмесьці яго, Рэхаў і прадмесьці яго: чатыры гарады;
ад племя Нэфталімавага горад сховішча забойцам, Кедэс у Галілеі і прадмесьці яго, Хамот-Дор і прадмесьці яго, Картан і прадмесьці яго: тры гарады.Нав 20:7
Усіх гарадоў сынам Гірсонавым, паводле родаў іхніх, трынаццаць гарадоў з прадмесьцямі іх.
Родам сыноў Мэрарыных, астатнім лявітам: ад племя Завулонавага Ёкнэам і прадмесьці яго, Карту і прадмесьці яе,1Пар 6:63
Дымну і прадмесьці яе, Нагалал і прадмесьці яго: чатыры гарады;
ад племя Рувімавага Бэцэр і прадмесьці яго, Яаца і прадмесьці яе,
Кедэмот і прадмесьці яго, Мэфаат і прадмесьці яго: чатыры гарады;
ад племя Гадавага: гарады сховішчы забойцаў - Рамот у Галаадзе і прадмесьці яго, Маханаім і прадмесьці яго,Нав 20:8
Эсэвон і прадмесьці яго, Язэр і прадмесьці яго: усіх гарадоў чатыры,Ер 49:3
Усіх гарадоў сынам Мэрарыным паводле родаў іхніх, астатнім родам лявіцкім, паводле жэрабя дасталася дванаццаць гарадоў.
Усіх гарадоў лявіцкіх сярод валоданьняў сыноў Ізраілевых было сорак восем гарадоў з прадмесьцямі іх.Лік 35:7
Пры гарадах гэтых былі каля кожнага горада прадмесьці вакол яго: так было пры ўсіх гарадах гэтых.Лік 35:5
Такім чынам аддаў Гасподзь Ізраілю ўсю зямлю, якую даць прысягаўся бацькам іхнім, і яны атрымалі яе ў спадчыну і пасяліліся на ёй.Быц 12:7; Быц 13:17
І даў ім Гасподзь спакой з усіх бакоў, як прысягаўся бацькам іхнім, і ніхто з усіх ворагаў іхніх ня ўстояў супроць іх; усіх ворагаў іхніх аддаў Гасподзь у рукі ім.Нав 22:4
Не засталося няспраўджанае ніводнае слова з усіх добрых слоў, якія Гасподзь казаў дому Ізраілеваму: усё збылося.1Цар 3:19; Іс 34:16; Мк 7:30