Jer JeremiasJeremiáš, kapitulokapitola Ang Libro ni JeremiasKniha proroka Jeremiáša, kapitulokapitola 6

Preklady Porovnať

Mao sad kini ang giingon sa Ginoo,

“Tindog kamo diha sa gisang-an sa mga dalan ug pagpakisusi pag-ayo.

Pangutana kamo kon hain ang karaan ug maayo nga dalan,

ug didto kamo agi.

Kon buhaton ninyo kini, maangkon ninyo ang kalinaw.

Apan miingon kamo, ‘Dili kami moagi diha!’Jer 18:15; Mat 11:29

Nagpili akog tigbantay sa pagsulti kaninyo,

‘Patalinghogi ninyo ang tingog sa budyong ingon nga pagpasidaan kaninyo.’

Apan miingon kamo, ‘Dili kami mamati.’Isa 62:6

Busa pamati kamong mga kanasoran.

Saksihi ninyo kon unsay mahitabo sa akong katawhan.

Pamati, O kalibotan! Magpadala akog kalaglagan

niini nga mga tawo ingon nga silot sa ilang daotang mga plano.

Kay wala nila hatagig pagtagad ang akong mga pulong

ug gisalikway nila ang akong kasugoan.Num 14:35; Isa 1:2

Walay bili kanako ang gihalad nila nga insenso nga gikan pa sa Sheba,

o ang mga pahumot nga gikan pa sa layong dapit.

Dili ko dawaton ang ilang mga halad nga sinunog.

Ang ilang mga halad dili makapalipay kanako.”Isa 1:11; Amo 5:21; Mic 6:7

Busa kini ang gisulti sa Ginoo:

“Magbutang ako ug bato nga kapandolan niining mga tawhana.

Tungod niini, malaglag ang mga amahan

ug mga anak nga lalaki,

apil ang managhigala ug managsilingan.”