Jer Jeremias, kapitulo Ang Libro ni Jeremias, kapitulo 1
Mao kini ang mga mensahe ni Jeremias nga anak ni Hilkia, nga usa sa mga pari sa Anatot, sa yuta ni Benjamin. 1Ch 6:60Mihatag ang Ginoo ug mensahe kang Jeremias sa ika-13 nga tuig sa paghari ni Josia sa Juda, nga anak ni Amon. 2Ki 21:26Padayon nga naghatag ang Ginoo ug mensahe kang Jeremias sa panahon sa paghari ni Jehoyakim, nga anak ni Josia, hangtod sa ika-11 nga tuig sa paghari ni Zedekia nga anak usab ni Josia. Sa ikalima nga bulan sa maong tuig, gibihag ang katawhan sa Jerusalem.2Ki 23:34; 2Ki 24:17; 2Ki 25:8
Ang Pagtawag kang Jeremias
Miingon ang Ginoo kanako,
“Sa wala ko pa ikaw pormaha sa tagoangkan sa imong inahan gipili1:5 gipili: o nailhan. ko na ikaw.
Sa wala ka pa matawo, gilain ko na ikaw.
Gipili ka nako nga mahimong propeta sa mga nasod.”Gal 1:15
Mitubag ako, “O Ginoong Dios, dili ako maayong manulti; batan-on pa ako.”Exo 4:10
Apan miingon ang Ginoo kanako, “Ayaw pag-ingon nga batan-on ka pa. Kinahanglan nga moadto ka bisan asa ka nako ipadala, ug isulti mo ang bisan unsa nga ipasulti ko kanimo. Ayaw kahadlok sa mga tawo kay kauban mo ako ug tabangan ka nako. Ako, ang Ginoo, ang nag-ingon niini.”Deu 31:6; Deu 31:8; Ezk 3:9; Jos 11:6
Unya gihikap sa Ginoo ang akong baba ug miingon, “Gibutang ko karon sa imong baba ang akong mga pulong nga imong isulti. Isa 6:7; Jer 5:14Karong adlawa hatagan ka nako ug awtoridad sa pagsulti sa mga nasod ug mga gingharian. Sultihi sila nga ang uban kanila malaglag gayod, ug ang uban kanila mobangon ug motindog pag-usab.”Jer 18:7
Unya miingon ang Ginoo kanako, “Jeremias, unsay nakita mo?”
Mitubag ako, “Sanga sa kahoyng almendras.”
Miingon ang Ginoo, “Husto ang imong nakita, ug nagkahulogan kana nga nagbantay1:12 nagbantay: ang Hebreo niini daw sama sa pulong nga almond. ako aron pagsiguro nga matuman ang akong pulong.”Dan 9:14; 2Pe 2:3
Nangutana pag-usab ang Ginoo kanako, “Unsa pay nakita mo?”
Mitubag ako, “Usa ka kolon nga nagbukal nga tubig, nagtakilid kini nga nag-atubang sa amihanan.”
Unya miingon ang Ginoo, “Adunay katalagman gikan sa amihanan nga moabot sa tanang nagpuyo niining yutaa. Jer 4:6; Jer 10:22; Jer 13:20Pamati! Ipadala ko ang mga sundalo sa mga gingharian sa amihanan sa pagsulong sa Jerusalem.
“Ibutang sa ilang mga hari ang ilang mga trono
diha sa mga ganghaan sa Jerusalem.
Gub-on nila ang mga paril sa Jerusalem
ug sulongon ang mga lungsod sa Juda.Jer 5:15
Silotan nako ang akong katawhan
tungod sa ilang pagkadaotan.
Gisalikway nila ako
ug naghalad silag insenso ngadto sa mga dios-dios.
Gisimba nila ang ilang hinimo nga mga dios-dios.
“Karon, andama ang imong kaugalingon. Lakaw ug isulti kanila ang tanan nga isugo nako kanimo. Ayaw kahadlok kanila. Kay kon mahadlok ka, hadlokon ko pa gayod hinuon ikaw atubangan nila. Luk 12:35; 1Pe 1:13Pamati! Karong adlawa, lig-onon ka nako sama sa usa ka pinarilan nga lungsod o puthaw nga haligi o bronsi nga paril. Walay mga hari, mga opisyal, mga pari, o katawhan sa Juda nga makapildi kanimo. Jer 15:20; Ezk 3:8Makig-away sila kanimo, apan dili ka nila mapildi, kay kauban mo ako ug tabangan ka nako. Ako, ang Ginoo, ang nag-ingon niini.”