Выс Выслоўі, раздзел Кніга выслоўяў Саламонавых, раздзел 29
Чалавек, які насуперак засьцярогам робіцца ўпарты, будзе раптам зламаны, і ня будзе яму дапамогі.Выс 28:14
Калі множацца праведнікі, весяліцца народ; а калі пануе бязбожнік, стогне народ.Вых 2:23
Чалавек, які любіць мудрасьць, радуе бацьку свайго; а які знаецца з распусьніцамі, той траціць маёмасьць.Выс 10:1; Лк 15:13
Цар правасудзьдзем мацуе зямлю, а аматар хабару руйнуе яе.
Чалавек, які лісьлівіць сябру свайму, сьцеле сетку пад ногі яму.
У грэху ліхога чалавека - сетка яму, а праведнік весяліцца і радуецца.Пс 9:17
Праведнік старанна дасьледуе цяжбіну бедных, а бязбожнік не разьбірае справы.Выс 28:5
Людзі разбэшчаныя бунтуюць горад, а мудрыя суцішаюць мяцеж.Выс 11:11; Экл 9:18
Разумны чалавек, калі судзіцца з чалавекам неразумным, ці злуецца, ці сьмяецца - ня мае спакою.
Крыважэрныя людзі ненавідзяць бязбожнага, а праведныя клапоцяцца за яго жыцьцё.
Неразумны ўвесь гнеў свой вылівае, а мудры стрымлівае яго.Выс 15:1
Калі ўладар слухае ілжывыя прамовы, дык і ўсе служкі ў яго бязбожныя.
Бедны і ліхвяр сустракаюцца адзін з адным; але сьвятло вачам таго і другога дае Гасподзь.
Калі цар судзіць бедных па праўдзе, дык трон ягоны назаўсёды ўцьвердзіцца.Выс 16:12; Выс 20:28; Выс 25:5
Дубец і засьцярога даюць мудрасьць; а занядбаны хлопчык робіць сорам сваёй маці.Выс 10:1
Пры памнажэньні бязбожных множыцца беззаконьне; а праведнікі ўбачаць падзеньне іхняе.Пс 36:36
Карай сына твайго, і ён дасьць табе спакой, і прынясе радасьць душы тваёй.Выс 23:13
Няма адкрыцьця згары чалавеку разбэшчанаму, а хто жыве паводле закону - той шчасны.
Словамі не навучыш раба; бо, хоць ён і разумее іх, але ня слухаецца.
Ці бачыў ты чалавека неабачлівага ў словах сваіх? на неразумнага болей надзеі, чым на яго.Экл 5:1; Як 1:19; Выс 26:12
Калі змалку выхоўваць раба ў дастатку, дык і пазьней ён захоча быць сынам.
Чалавек гнеўлівы заводзіць свару, а запальчывы шмат грэшыць.Выс 15:18
Ганарыстасьць чалавека прыніжае яго, а сьціплы духам здабывае гонар.Ёў 22:29; Выс 15:33; Мц 23:12
Хто дзеліцца са злодзеем, той ненавідзіць душу сваю; ён чуе праклён, але не абвяшчае пра тое.Ляв 5:1
Боязь перад людзьмі ставіць сетку; а хто спадзяецца на Госпада, будзе ў бясьпецы.Мц 14:5; Выс 16:20; Ер 17:7
Многія шукаюць прыхільнага.Выс 19:6
Мярзота праведнікам - чалавек няправедны, і мярзота бязбожнаму - той, хто ідзе простай дарогай.Ян 15:19