Пс Псалтыр, псалом Псалтыр, псалом 113
Алілуя.
Калі выйшаў Ізраіль зь Егіпта, дом Якава - з народу іншапляменнага,Вых 13:3
Юда зрабіўся сьвятыняю Ягонаю, Ізраіль - валоданьнем Ягоным.
Мора ўгледзела, і пабегла; Ярдан павярнуўся назад.Вых 14:21; Нав 3:16
Горы скакалі, як бараны, і пагоркі, як ягняткі.Пс 67:17
Што з табою, мора, чаго ты пабегла, і з табою, Ярдане, чаго павярнуўся назад?Нау 1:4
Чаго вы скачаце, горы, як бараны, і вы, пагоркі, як ягняткі?
Прад абліччам Госпада дрыжы, зямля, прад абліччам Бога Якава,
Які ператварае скалу ў возера вады і камень - у крыніцу вады.Вых 17:6; Лік 20:11
Ня нам, Госпадзе, ня нам, а імю Твайму дай славу, дзеля ласкі Тваёй, дзеля праўды Тваёй.1Пар 16:35
Навошта язычнікі кажуць: дзе ж іхні Бог?Пс 41:4
Бог наш на небе і на зямлі; творыць усё, што хоча.Дрз 33:26
А іхнія ідалы - срэбра і золата, творы рук чалавечых.Пс 134:15
Ёсьць у іх вусны, але не гавораць; ёсьць у іх вочы, але ня бачаць;
ёсьць у іх вушы, але ня чуюць; ёсьць у іх ноздры, але нюху няма;Пс 134:17
ёсьць у іх рукі, але не адчуваюць; ёсьць у іх ногі, але ня ходзяць; і яны гукаў не выдабываюць з горла свайго.
Няхай будуць да іх падобныя тыя, што іх робяць, і ўсе, хто на іх спадзяецца.Ер 10:8
Доме Ізраілеў! спадзявайся на Госпада; Ён - нам дапамога і шчыт.Пс 129:5
Доме Ааронаў! спадзявайся на Госпада; Ён - нам дапамога і шчыт.
Хто баіцца Госпада! спадзявайся на Госпада; Ён - нам дапамога і шчыт.
Гасподзь нас памятае, дабраслаўляе нас, дабраслаўляе Ізраілеў дом, дабраслаўляе Ааронаў дом;
дабраслаўляе тых, што баяцца Госпада, малых і вялікіх.
Няхай дадасьць вам Гасподзь болей і болей, вам і дзецям вашым,
дабраславёныя вы Госпадам, Які стварыў неба і зямлю.
Неба - неба Госпаду, а зямлю Ён даў сынам чалавечым.Дрз 10:14
Ня мёртвыя ўславяць Госпада, ні ўсё, што ў магілу сыходзіць,Пс 6:6; Іс 38:18
а мы жывыя дабраслаўляцьмем Госпада ад сёньня і давеку. Алілуя.Дан 2:20