Пс Псалтыр, псалом Псалтыр, псалом 50
калі да яго прыходзіў прарок Натан пасьля таго, як Давід увайшоў да Вірсавіі.2Цар 12:1
Зьлітуйся, Божа, зь мяне ў вялікай ласцы Тваёй, і ў мностве шчадротаў Тваіх загладзь беззаконьні мае!Пс 56:2; Іс 33:2; Габр 9:14
Адмый мяне шматкроць ад беззаконьня майго, і ад грэху майго ачысьці мяне:
бо беззаконьне маё я ўсьведамляю, і грэх мой заўсёды перада мною.Пс 31:5
Табе, Табе аднаму я зграшыў і прад вачыма Тваімі благое ўчыніў: таму справядлівы Ты будзеш у прысудзе Тваім, і чысты ў судзе Тваім.Рым 3:4
Вось, я ў беззаконьні зачаты, і ў грэху маці мая нарадзіла мяне.Ёў 14:4
Вось, палюбіў Ты праўду ў сэрцы і ўліў у мяне тайную мудрасьць.1Кар 2:7
Акрапі мяне ісопам, і ачышчуся: абмый мяне, і бялей за сьнег адбялюся.Ляв 14:6
Дай мне ўцеху пачуць і радасьць, і ўзрадуюцца косьці, Табою паламаныя.
Адвярні аблічча Тваё ад грахоў маіх і загладзь усе беззаконьні мае.
Чыстае сэрца ўмацуй ува мне, Божа, і дух справядлівы аднаві ўва мне.2Кар 5:17; Гал 6:15; Эф 2:10
Не адкінь мяне ад аблічча Твайго і Духа Твайго Сьвятога не адбірай у мяне.Мц 6:13; Ер 7:15
Вярні мне радасьць збавеньня Твайго, і Духам Уладным мяне падтрымай.
Я навучу беззаконцаў дарогам Тваім, і бязбожныя да Цябе навернуцца.Мц 7:5
Вызваль мяне ад крывавасьці, Божа, Божа ратунку майго; і язык мой уславіць праўду Тваю.2Цар 11:15; 2Цар 12:9
Госпадзе! адкрый вусны мае, і вусны мае прагалосяць славу Табе:Пс 70:8
бо калі б ахвяры Ты пажадаў, я даў бы яе; цэласпаленьне Табе не падабаецца.Пс 39:7
Ахвяра Богу - дух упакораны; сэрца ўпакоранае і зьміранае Бог ня зьнішчае.Пс 4:6; Іс 66:2; Лк 18:13
Ушчасьліві, Госпадзе, добрай воляй Тваёю Сіён, і хай паўстануць муры Ерусалімскія.Іс 33:20; Іс 54:11
Тады ўпадабаеш Ты ахвяру праўды, прынашэньні і цэласпаленьні; тады пакладуць на алтар Твой цялят.Дрз 33:19