Выс Выслоўі, раздзел Кніга выслоўяў Саламонавых, раздзел 27
Не хваліся заўтрашнім днём; бо ня ведаеш, што той дзень народзіць.Як 4:13
Хай цябе хваліць іншы, а ня вусны твае, - чужы, а не язык твой.2Кар 10:12
Цяжкі камень, важкі і пясок; але гнеў неразумнага цяжэйшы за іх абодвух.
Жорсткі гнеў, неўтаймавальная лютасьць; але хто ўстоіць супроць зайздрасьці?Як 1:20
Лепей адкрыты дакор, чым прыхаваная любоў.Выс 28:23
Шчырыя дакоры ад таго, хто любіць, і ілжывыя пацалункі ў таго, хто ненавідзіць.Пс 140:5
Сытая душа топча і соты, а галоднай душы ўсё горкае - салодкае.
Як птушка, што пакінула гняздо сваё, так і чалавек, які пакінуў месца сваё.
Масьць і дымленьне радуюць сэрца; так салодкі кожнаму сябар з сардэчнай ранай сваёй.
Не пакідай сябра твайго і сябра бацькі твайго, і ў дом брата твайго ня ідзі ў дзень няшчасьця твайго: лепей сусед блізка, чым брат далёка.Выс 18:19
Будзь мудры, сыне мой, і радуй сэрца маё; і я мецьму што адказаць ліхаслоўцу майму.Выс 23:15
Разумны бачыць бяду і хаваецца; а нявопытныя ідуць наперад і прымаюць кару.Выс 22:3
Вазьмі ў яго адзежу ягоную, бо ён паручыўся за чужога; і за чужога вазьмі ў яго заклад.Выс 20:16
Хто ўголас хваліць сябра свайго з самай раніцы, таго палічаць за ліхаслоўца.
Бясконцы капеж у дажджлівы дзень і сварлівая жонка - роўныя;
хто хоча схаваць яе, той хоча ўтрымаць вецер і схапіць алей у руку сваю.
Жалеза жалеза вострыць, і чалавек навастрае позірк сябра свайго.Габр 10:24
Хто даглядае смакоўніцу, той будзе есьці плады зь яе; і хто верна служыць гаспадару свайму, той будзе ў пашане.
Як у вадзе твар - да твару, так сэрца чалавека - да чалавека.
Апраметная і Авадон - ненасытныя; ненасытныя і вочы чалавечыя.
Што плавільня - срэбру, горан - золату, тое чалавеку вусны, якія хваляць яго.Выс 17:3
Таўчы неразумнага ў ступе таўкачом разам зь зернем, не адлушчыцца ад яго глупства ягонае.Мк 3:4
Добра сачы за быдлам тваім, май клопат за статкі;
бо багацьце не навекі, ды і ўлада іхняя хіба з роду ў род?1Цім 6:7
Рунее трава, і зьяўляецца зеляніна, і зьбіраюць горныя травы.
Авечкі - на вопратку табе, і казлы - на закуп поля.
І годзе казінага малака на ежу табе, на ежу хатнім тваім і на спажытак служанкам тваім.