ГалGal ГалатамGalatians, раздзелchapter Пасланне да ГалатаўEpistle to the Galatians, раздзелchapter 4

Translations Compare

Кажу вось: увесь час, пакуль спадкаемца — немаўля, ён нічым ня лепшы за слугу, хоць ён пан усяго,

але ён пад наглядчыкамі і аканомамі аж да вызначанага бацькам часу.

Гэтак і мы, калі былі немаўлятамі, былі паняволеныя стыхіям сьвету.Гал 5:1; Кал 2:20

А калі прыйшла поўня часу, Бог паслаў Сына Свайго, Які быў з жанчыны і быў пад Законам,Іс 7:14; Лк 1:31

каб адкупіць тых, якія пад Законам, каб нам атрымаць усынаўленьне.Рым 8:15

А як вы — сыны, Бог паслаў у сэрцы вашыя Духа Сына Свайго, Які кліча: «Абба, Ойча!»

Так што ты ўжо не слуга, але сын; а калі сын, дык і спадкаемца Бога праз Хрыста.Гал 3:29

Але тады, ня ведаючы Бога, вы служылі тым, якія паводле прыроды ня ёсьць богі.Эф 2:12

Цяпер жа, пазнаўшы Бога, а больш пазнаныя Богам, як вы вяртаецеся ізноў да нядужых і ўбогіх стыхіяў, якім зноў хочаце служыць нанова?1Кар 13:12; Габр 7:18; Габр 10:1

Вы сочыце за днямі, і месяцамі, і порамі, і гадамі.Кал 2:16

Баюся за вас, ці не надарма я працаваў у вас.

Прашу вас, браты, будзьце, як і я, бо і я, як вы. Вы нічым ня скрыўдзілі мяне.

А вы ведаеце, што я ў нядужасьці цела дабравесьціў вам раней,

і вы не пагардзілі спакусай маёй, якая ў целе маім, і не адапхнулі, але прынялі мяне, як анёла Божага, як Хрыста Ісуса.

Дык якое было шчасьце вашае! Бо сьведчу вам, што калі б было магчыма, вырваўшы вочы вашыя, вы далі б мне.

Дык ці ж я стаўся ворагам вашым, кажучы вам праўду?

Рупяцца пра вас нядобра, але хочуць аддзяліць вас [ад нас], каб вы рупіліся пра іх.

А добра рупіцца пра добрае заўсёды, а ня толькі, калі я прысутны ў вас,

дзеткі мае, якімі ізноў мучуся ў радзінах, пакуль не ўкштал­туецца ў вас Хрыстос.

Хацеў бы я цяпер быць прысутным у вас і зьмяніць голас мой, бо я зьбянтэжаны вамі.

Скажыце мне вы, якія хочаце быць пад Законам: ці ж вы ня слухаеце Закону?

Бо напісана, што Абрагам меў двух сыноў: аднаго ад служкі і аднаго ад свабоднай.Быц 16:15; Быц 21:2

Але той, які ад служкі, народжаны паводле цела, а той, які ад свабоднай, — праз абяцаньне.Рым 9:8

Гэта ёсьць алегорыя. Бо гэта два запаветы: адзін — ад гары Сынай, які нараджае на няволю, які ёсьць Агар.Рым 8:15

Бо Агар ёсьць гара Сынай у Арабіі і адпавядае цяперашняму Ерусаліму, які ў няволі з дзецьмі сваімі;

а Ерусалім, які ўгары, — свабодны, ён ёсьць маці ўсім нам.Іс 60:1; Габр 12:22; Адкр 21:2

Бо напісана: «Узьвесяліся, няплодная, якая не нараджала; загукай і закрычы ты, якая ня мучылася ў радзінах, бо шмат дзяцей у самотнай, больш, чым у той, якая мае мужа».Іс 54:1

А мы, браты, паводле Ісаака — дзеці абяцаньня.Рым 9:8

Але як тады той, які быў народжаны паводле цела, перасьледаваў таго, які паводле духа, гэтак і цяпер.Быц 21:9

Але што кажа Пісаньне? «Выгані служку і сына ейнага, бо сын служкі ня будзе спадкаемцам разам з сынам свабоднай».Быц 21:10

Дык вось, браты, мы — дзеці ня служкі, але свабоднай.Гал 3:29