Пс Псалтыр, псалом Псалтыр, псалом 109
Кіраўніку хору. Псальм Давіда. Божа, хвала мая, не маўчы!
Бо вусны бязбожныя і вусны здрадлівыя расчыніліся супраць мяне, гавораць са мною языком хлусьлівым.Мк 14:56
І словамі нянавісьці атачылі мяне, і ваююць супраць мяне без прычыны.
За любоў маю яны супрацьстаяць мне, а я малюся.Пс 120:7; Ян 8:40
Яны заплацілі мне злом за дабро, і нянавісьцю — за любоў маю.Пс 35:12; Ер 18:20
Пастаў над ім бязбожніка, і шатан няхай стане праваруч яго;Ёў 17:8
калі будзе суджаны, няхай будзе як бязбожнік, а малітва ягоная няхай станецца грэхам.
Няхай дні ягоныя будуць кароткія, а ўрад ягоны няхай возьме іншы.Ян 17:12; Дзеі 1:20
Няхай сыны ягоныя будуць сіротамі, а жонка ягоная — удавою.Дрз 28:32
Няхай будуць выгнаныя як выгнанцы сыны ягоныя, і няхай жабруюць і шукаюць [хлеба] на руінах сваіх!Ёў 20:10
Няхай захопіць ліхвяр усё, што яму належыць, і няхай чужынцы захопяць працу ягоную.Дрз 28:43
Няхай ня будзе нікога, хто яму зьявіць міласэрнасьць, і няхай ня будзе таго, хто зьлітуецца над сіротамі ягонымі.
Насеньне ягонае няхай будзе зьнішчана; у пакаленьні наступным няхай будзе выкрэсьленае імя ягонае!Вых 20:5; Ёў 18:19; Іс 14:22
Няхай будзе ўзгаданае беззаконьне бацькоў ягоных перад ГОСПАДАМ, і грэх маці ягонай няхай ня будзе змыты!Вых 20:5; Ер 18:23
Няхай будуць яны перад ГОСПАДАМ заўсёды, і няхай Ён вынішчыць на зямлі памяць пра яго,Выс 10:7; Мц 27:25
бо ён ня памятаў, каб чыніць міласэрнасьць, і перасьледаваў чалавека беднага, і прыгнечанага, і з сэрцам зламаным, каб забіць яго.Ёў 24:20; Як 2:13
Любіў ён праклён, і ён прыйдзе на яго! Не было даспадобы яму дабраслаўленьне, і яно будзе далёка ад яго!Выс 11:27
І ён апранецца ў праклён, быццам у шату сваю, і [праклён] увойдзе, як вада, у нутро ягонае, і як алей — у косткі ягоныя!
Няхай будзе для яго як адзеньне, у якое ён апранаецца, і як пас, якім заўсёды падпярэзваецца!
Гэткая будзе плата ад ГОСПАДА для тых, што супрацьстаяць мне, і для тых, што благое гавораць супраць душы маёй!
А Ты, ГОСПАДЗЕ, Госпадзе, учыні са мною дзеля імя Твайго, і выратуй мяне, бо добрая міласэрнасьць Твая,
бо я бедны і прыгнечаны, і сэрца маё ў нутры маім зранена.
Я зыходжу, як цень, што зьнікае; ганяюць мяне, як саранчу.Ёў 14:2; Пс 144:4
Калені мае ад посту хістаюцца, і цела маё ссохла без алею.
І я стаўся ганьбаю для іх, яны глядзяць на мяне, ківаючы галовамі сваімі.Пс 22:8; Мц 27:29
Дапамажы мне, ГОСПАДЗЕ, Божа мой! Збаў мяне паводле міласэрнасьці Тваёй!
І даведаюцца яны, што гэта рука Твая, што Ты, ГОСПАДЗЕ, зрабіў гэта!Пс 64:10
Яны праклінаюць, а Ты дабраславі! Яны паўстаюць [супраць мяне], і будуць асаромленыя, а слуга Твой няхай узрадуецца!Мц 5:44; 1Кар 4:12
Няхай апрануцца ў зьнявагу тыя, што супрацьстаяць мне, і ахінуцца, быццам плашчом, у сорам свой!
Я буду гучна славіць ГОСПАДА вуснамі маімі і сярод мноства [народу] буду хваліць Яго,Пс 22:23
бо Ён стаіць праваруч прыгнечанага, каб збавіць яго ад тых, што асуджаюць душу ягоную.Дзеі 2:25