Пс Псалтыр, псалом Псалтыр, псалом 69
Кіраўніку хору: на лад “Лілеі”. Давіда.
Збаў мяне, Божа, бо воды да душы маёй даходзяць!Іс 43:2
Я заграз у глыбокім балоце бяздонным; я патрапіў у глыбіню водную, і цячэньне мяне падхапіла.Пс 40:3; Пс 42:8
Я зьнямогся ад крыку майго, засохла горла маё; змарыліся вочы мае, пакуль я спадзяваўся на Бога майго.
Больш, чым валасоў на галаве маёй, тых, што мяне ненавідзяць без прычыны, узмацніліся тыя, што нішчаць мяне, ворагі мае падступныя. Чаго не рабаваў, мушу аддаваць.Пс 35:19; Іс 53:4; Езк 33:15
Божа, Ты ведаеш дурасьць маю, і правіны мае ад Цябе не схаваныя.
Ня дай праз мяне асароміцца тым, што на Цябе спадзяюцца, Госпадзе, ГОСПАД Магуцьцяў; ня дай праз мяне асароміцца тым, што шукаюць Цябе, Божа Ізраіля!
Бо дзеля Цябе я ганьбу зношу, і сорамам пакрыта аблічча маё.
Я стаўся чужым для братоў маіх і чужынцам для сыноў маці маёй.
Бо руплівасьць пра Дом Твой зьядае мяне, і зьнявагі тых, што Цябе зьневажаюць, зыйшлі на мяне.Ян 2:17; Рым 15:3
І плакала ў посьце душа мая, і сталася гэта зьнявагай мне.
І зрабіў я зрэбніцу вопраткай маёй, і стаўся для іх прыповесьцю.
Абмаўляюць мяне тыя, што сядзяць у браме [гораду], і прыпеўкі пяюць тыя, што п’юць сікеру.Ёў 30:9
А я да Цябе малюся, ГОСПАДЗЕ, у час упадабаньня Твайго, Божа; у вялікай міласэрнасьці Тваёй пачуй Ты мяне, у праўдзе збаўленьня Твайго!Іс 49:8
Выратуй мяне з балота, каб я не заграз; ратуй ад тых, што ненавідзяць мяне, і з глыбіняў водных!Пс 40:3
Няхай не падхопіць мяне цячэньне водаў, няхай не праглыне мяне глыбіня, і няхай не сашчэміць нада мною калодзеж вуснаў сваіх.
Пачуй мяне, ГОСПАДЗЕ, бо добрая міласэрнасьць Твая! Паводле вялікай літасьці Тваёй павярніся да мяне.
І не хавай аблічча Твайго перад слугою Тваім, бо я прыгнечаны; хутчэй адкажы мне!Пс 102:3
Наблізься да душы маёй, барані яе; насупраць ворагам маім выбаў Ты мяне!
Ты ведаеш ганьбу маю, і сорам мой, і зьнявагу маю; перад Табою ўсе, што перасьледуюць мяне.Пс 44:16
Ганьба разьбіла сэрца маё, і я ў роспачы; я спадзяваўся на спачуваньне, і ня маю яго, і на пацяшальнікаў, і не знайшоў іх.Мц 27:39; Лк 23:49
Яны далі мне замест стравы жоўць, і, калі я смагнуў, напаілі мяне воцатам.Мц 27:34; Мц 27:48; Ян 19:29
Няхай станецца стол іхні перад абліччам іхнім пасткаю, і бясьпечнасьць — сілом.Рым 11:9
Няхай зацемрацца вочы іхнія, каб ня бачылі, няхай сьцёгны іхнія заўсёды дрыжаць!
Вылі на іх ярасьць Тваю, і жар гневу Твайго няхай дагоніць іх!
Няхай апусьцее сяліба іхняя, у намётах іхніх няхай ніхто не жыве!Дзеі 1:20
Бо таго, каго Ты б’еш, яны перасьледуюць, і пра боль таго, каго Ты параніў, яны абвяшчаюць.Іс 53:4
Дадай беззаконьне да беззаконьня іхняга і ня дай ім прыйсьці да праведнасьці Тваёй.Рым 1:28
Няхай будуць выкрэсьленыя з кнігі жывых і ня будуць запісаныя разам з праведнікамі.Лк 10:20; Флп 4:3; Адкр 3:5
А я прыгнечаны і поўны тугі; збаўленьне Тваё, Божа, няхай падыме мяне!
Я буду хваліць імя Божае сьпевам і ўзьвялічваць Яго з падзякаю.
І будзе гэта больш даспадобы ГОСПАДУ, чым вол, бык з рагамі і капытамі.
Угледзяць [гэта] ўцісканыя і ўзрадуюцца; і ў вас, што Бога шукаеце, няхай ажыве сэрца вашае!Пс 22:27
Бо ГОСПАД выслухоўвае бедных і вязьнямі Сваімі не пагарджае.Пс 34:7
Няхай хваляць Яго неба і зямля, і мора, і ўсё, што рухаецца ў іх.Пс 147:12
Бо збавіць Бог Сыён, і адбудуе гарады Юды, і яны паселяцца там, і возьмуць у спадчыну іх.1Кар 3:10
I насеньне слугаў Ягоных у спадчыну іх атрымае, і той, хто любіць імя Ягонае, жыць будзе ў іх.