Пс Псалтыр, псалом Псалтыр, псалом 91
Той, які жыве пад заслонай Найвышэйшага і пад ценем Усемагутнага,Пс 17:8; Пс 36:8; Ас 14:8
кажа да ГОСПАДА: «Ты — прыстанішча маё і цьвярдыня мая, Бог мой, на Якога я спадзяюся».Пс 142:7
Бо Ён выратуе цябе ад пасткі птушкалова, ад пошасьці сьмяротнай.
Пер’ем Сваім закрые цябе, і пад крыламі Ягонымі будзеш мець надзею; праўда Ягоная — шчыт і заслона.Мц 23:37
Не спалохаешся страху ўначы, ані стралы, якая ўдзень ляціць,2Цар 22:31; Пс 84:12
ані пошасьці, якая ў цемры прыходзіць, ані заразы, якая сярод белага дня пустошыць.
Тысяча побач з табой упадзе і дзесяць тысячаў праваруч ад цябе, а да цябе яна не падыйдзе.Ёў 11:19
Толькі вачыма тваімі глядзець будзеш і ўбачыш з бязбожнымі расплату.Пс 92:12; Пс 112:8
За тое, што ты ГОСПАДА, прыбежышча сваё, і Найвышэйшага выбраў за сялібу сабе,
не спаткае цябе злое, і пакараньне не наблізіцца да намёту твайго.
Бо Ён анёлам Сваім загадае пра цябе, каб захоўвалі цябе на ўсіх шляхах тваіх.Мц 4:6; Лк 4:10
На руках панясуць цябе, каб не спатыкнуўся аб камень нагою тваёю.Ёў 5:23
Па ільвах і гадзюках хадзіць будзеш, львянятаў і цмокаў патопчаш.Лк 10:19
«За тое, што ён Мяне ўзьлюбіў, збаўлю яго; узвышу яго, бо імя Маё ведае.Пс 145:19; Дан 6:24
Будзе клікаць Мяне, і Я адкажу яму; у бядзе Я буду з ім, выратую яго і ўшаную яго.Ёў 22:27; Ёў 33:24; Зах 13:9
Доўгімі днямі насычу яго і дам убачыць збаўленьне Маё».Іс 43:2