2Co 2 Corinteni, capitolul Epistola a doua către Corinteni, capitolul 10
Altă scriere: церковнославянский
Сам же аз па́вел молю́ вы кро́тостию и ти́хостию христо́вою, и́же в лице́ у́бо смире́н в вас, не сый же у вас дерза́ю в вас.
Молю́ же, да не прису́щ дерза́ю наде́янием, и́мже помышля́ю сме́ти на не́кия непщу́ющыя нас я́ко по пло́ти ходя́щих.2Co 2:17
Во пло́ти бо ходя́ще, не по пло́ти вои́нствуем:1Ti 1:18
ору́жия бо во́инства на́шего не плотска́я, но си́льна бо́гом на разоре́ние тве́рдем: помышле́ния низлага́юще,Jer 1:10; 2Co 6:7; Eph 6:13
и вся́ко возноше́ние взима́ющееся на ра́зум бо́жий, и пленя́юще всяк ра́зум в послуша́ние христо́во,1Co 1:19; 1Co 3:19
и в гото́вости иму́ще отмсти́ти вся́ко преслуша́ние, егда́ испо́лнится ва́ше послуша́ние.
Я́же ли пред лице́м, зрите́? А́ще кто наде́ется себе́ христо́ва бы́ти, да помышля́ет па́ки от себе́, зане́, я́коже он христо́в, та́кожде и мы христо́вы.Jhn 7:24
А́ще бо и ли́шше что похвалю́ся о вла́сти на́шей, ю́же даде́ нам госпо́дь в созда́ние, а не на разоре́ние ва́ше, не постыжу́ся.2Co 13:10
(Но) да не явлю́ся, я́ко страшя́ вас посла́ньми.
Я́ко посла́ния у́бо, рече́, тя́жка и кре́пка, а прише́ствие те́ла не́мощно, и сло́во уничиже́нно:2Co 11:6
сие́ да помышля́ет таковы́й, я́ко я́цы же есмы́ сло́вом посла́ний, отстоя́ще, такови́и и ту су́ще есмы́ де́лом.
Не сме́ем бо суди́типрисовокупля́ти, или́ прикла́довати себе́ ины́м хва́лящым себе́ саме́х: но са́ми в себе́ себе́ измеря́юще, и прилага́юще себе́ сами́м себе́, не разумева́ют.
Мы же не в безме́рная похва́лимся, но по ме́ре пра́вила, его́же раздели́ нам бог ме́ру, достиза́ти да́же и до вас.2Co 12:5
Не я́ко бо не дося́жуще до вас, па́че простира́ем себе́, да́же бо и до вас достиго́хом благове́стием христо́вым:
не в безме́рная хва́лящеся в чужди́х труде́х, упова́ние же иму́ще, расту́щей ве́ре ва́шей, в вас велича́тися по пра́вилу на́шему изоби́лно,Rom 15:20
во е́же и в да́льших вас (страна́х) благовести́ти, не чужи́м пра́вилом в гото́вых похвали́тися.
Хваля́йся же, о го́споде да хва́лится:Jer 9:24; 1Co 1:31
не хваля́й бо себе́ сей иску́сен, но его́же бог восхваля́ет.Pro 27:2; 1Co 4:5