Пс Псалтыр, псалом Псалтыр, псалом 37
Псальма Давідава. На ўспамін пра суботу.
Госпадзе! ня выкрывай мяне ў гневе Тваім, і не карай мяне ў гневе Тваім,Пс 6:2; Ер 10:24
бо стрэлы Твае ўпіліся ў мяне і рука Твая мяне ацяжае.Дрз 32:23; Ёў 6:4
Няма цэлага месца на целе маім ад гневу Твайго; няма спакою ў костках маіх ад грахоў маіх,
бо злачынствы мае вышэй галавы, як вялікі цяжар, зьнясілілі мяне,Пс 31:4; Езк 33:10
сьмярдзяць, гнаяцца раны мае ад безгалоўя майго.
Я сагнуты і панураны ўвесь, цэлы дзень бядуючы хаджу;Пс 41:10
бо сьцёгны мае паліць вагонь, і няма цэлага месца ў целе маім.
Я змогся і зьнясіліўся цяжка; крычу ад пакуты сэрца майго.
Госпадзе! прад Табою ўсе жаданьні мае, і ўздыханьне маё ад Цябе не схаванае.
Сэрца маё трымціць; пакінула мяне сіла мая, і сьвятло вачэй маіх - і таго няма ў мяне.
Сябры мае і прыяцелі адступіліся ад няшчасьця майго, і блізкія мае далёка стаяць.Ёў 19:13; Ёў 30:10; Пс 30:12
Цянёты паставілі тыя, хто пільнуе душу маю, і хто прагне мне ліха, пра пагібель маю гавораць, і намышляюць штодзень мне благое;
а я, як глухі, ня чую, і як нямко, што вуснаў сваіх не растуляе;Іс 53:7; Мц 27:12; Дзеі 8:32
і стаў я, як чалавек, што ня чуе і ня мае ў вуснах сваіх адказу,
бо на Цябе, Госпадзе, спадзяюся я; Ты пачуеш, Госпадзе, Божа мой.
І сказаў я: няхай не падымуцца нада мною мае ворагі; калі дрыжыць нага мая, хай ня ўзносяцца яны нада мною.
Я да ўпадку гатовы, і скруха мая заўжды перада мною.
Беззаконьне сваё я ўсьведамляю; і ўбольваюся ў грэху маім.Пс 31:5; 2Кар 7:10
А мае ворагі жывуць і мацуюцца, і памнажаюцца тыя, што ненавідзяць мяне, невінаватага;
і тыя, што плацяць мне злом за дабро, ваююць супроць мяне, бо я за добрым іду.Пс 108:5
Не пакінь мяне, Госпадзе Божа мой! не адыходзь ад мяне;
пасьпяшайся на дапамогу мне, Госпадзе, Збаўца мой!