Пс Псалтыр, псалом Псалтыр, псалом 48
Кіроўцу хору. Сыноў Карэевых. Псальма.
Слухайце гэта, усе народы; уважайце гэтаму ўсе, хто жыве на сьвеце,
і простыя, і знакамітыя, багаты, гэтак сама і бедны;
вусны мае вымавяць мудрасьць, а развагі сэрца майго - веданьне.
Нахілю вуха маё да прыпавесьці; адкрыю загадку маю на арфе:Пс 77:2; Мц 13:35
«чаго мне баяцца ў дні бедства, калі абчэпіць мяне злосьць шляхоў маіх беззаконных»,
якія надзею кладуць на багацьце і сваімі дастаткамі хваляцца?Ёў 36:18; Пс 51:9; Выс 11:4
Чалавек ня выкупіць брата свайго ніяк і за яго ня дасьць выкупу Богу;1Ян 3:16
бо выкуп за душы іхнія дарагі, і ня будзе таго вавек,Мц 16:26; Мк 8:37; 1Пётр 1:19
каб застаўся хто жыць назаўсёды і ня ўбачыў магілы.
Кожны бачыць, што і мудрыя паміраюць, як і невукі і бязглуздыя гінуць, пакідаюць маёмасьць сваю іншым.Выс 11:4; Экл 2:16; Экл 6:2
У думках у іх, што хаты іхнія вечныя, і што харомы іхнія з роду да роду, і землі свае яны называюць сваімі імёнамі.
Ды не застанецца ў пашане чалавек, падобна жывёле, якая гіне.Экл 3:19
Такая дарога іхняя ёсьць іхняя неразумнасьць, хоць за імі ідуць тыя, што думку іхнюю ўхваляюць.
Як авечак, у апраметную іх зьвядуць: сьмерць будзе іх пасьвіць, а раніцай праведнікі запануюць над імі; сіла іхняя вычарпаецца; магіла - жытлішча іхняе.Іс 14:11; Адкр 2:27
Але вызваліць Бог душу маю ад улады сьмяротнага краю, калі прыме мяне.Пс 15:10
Ня бойся, калі чалавек багацее, калі слава дома ягонага множыцца:
бо, памерлы, нічога з сабою ня возьме; ня пойдзе за ім слава ягоная,Ёў 27:18
хоць пры жыцьці ён душы сваёй патураў, і ўслаўляюць цябе, калі ты сабе робіш дабро,Дрз 29:19
але ён пойдзе да роду бацькоў сваіх, якія ніколі ня ўбачаць сьвятла.
Чалавек у пашане, але неразумны, падобны да жывёлы, якая гіне.Экл 3:19; Лк 12:20