Пс Псалтыр, псалом Псалтыр, псалом 90
Пахвальная песьня Давідава. Хто жыве пад аслонаю Ўсявышняга, той пакоіцца ў засені Ўсемагутнага,Пс 16:8; Пс 35:8; Ас 14:8
кажа Госпаду: прыстанішча мне і Заступніку мой, Божа мой, на Цябе спадзяюся!Пс 141:6
Ён цябе вызваліць зь сетак лаўца, ад пагібельнай пошасьці;
пер'ем Сваім Ён цябе ўзасьціць, і пад крыльлем ягоным убясьпечышся; шчыт і аслона - ісьціна Ягоная.Мц 23:37
Не збаішся страху начнога, ні стралы, што ўдзень пралятае,2Цар 22:31; Пс 83:12
ні пошасьці, што ў цемры ходзіць, ані пошасьці, што нішчыць апоўдні.
Упадзе тысяча побач з табою, і дзесяць тысяч праваруч ад цябе; але да цябе не наблізіцца:Ёў 11:19
толькі глядзецьмеш вачыма тваімі і ўбачыш помсту бязбожнікам.Пс 91:12; Пс 111:8
Бо сказаў Ты: Гасподзь - надзея мая; Усявышняга выбраў ты прыстанішчам тваім;
ліха цябе не спаткае, і пошасьць жытла твайго не зачэпіць;
бо анёлам Сваім наказвае пра цябе - ахоўваць цябе на ўсіх дарогах тваіх,Мц 4:6; Лк 4:10
і на руках цябе панясуць, каб не спатыкнуўся ты аб камень нагою тваёю;Ёў 5:23
на асьпіда і васіліска наступіш і патопчаш ільва і дракона.Лк 10:19
«За тое, што ён палюбіў Мяне, уратую яго; абараню яго, бо ён спазнаў імя Маё.Пс 144:19; Дан 6:23
Пакліча Мяне і пачую яго: зь ім Я ў жалобе, вызвалю яго, і праслаўлю яго;Ёў 22:27; Ёў 33:24; Зах 13:9
даўжынёю дзён напоўню яго, і пакажу яму выратаваньне Маё».Іс 43:2