Габр Габрэям, раздзел Пасланне да Габрэяў, раздзел 2
Дзеля гэтага мусім асабліва зважаць на чутае, каб нас ня зьнесла [плыньню].
Бо калі сказанае праз анёлаў слова было цьвёрдае, і ўсякае парушэньне і непаслухмянасьць даставалі справядлівую адплату,Вых 20:1; Дзеі 7:38; Дзеі 7:53; Гал 3:19; Габр 10:28
як мы ўцячэм, калі занядбалі такое вялікае збаўленьне, якое спачатку было сказанае Госпадам, зацьверджана ў нас ад тых, якія чулі,Мц 4:17; Лк 1:2
якім засьведчыў Бог праз знакі, і цуды, і розныя сілы, і праз раздаваньне Духа Сьвятога паводле волі Яго?Мк 16:20
Бо не анёлам падпарадкаваў Ён будучы сусьвет, пра які гаворым.Мц 28:18
Засьведчыў жа нехта недзе, кажучы: «Што ёсьць чалавек, што Ты ўзгадваеш яго, або сын чалавечы, што Ты адведваеш яго?Пс 144:3
Крыху Ты панізіў яго перад анёламі, даў яму вянок славы і пашаны і паставіў яго па-над творамі рук Тваіх;Мц 27:46
усё падпарадкаваў Ты пад ногі яго». Бо калі падпарадкаваў яму ўсё, нічога не пакінуў непакорным яму. Але цяпер мы яшчэ ня бачым, каб усё было падпарадкавана яму,Пс 8:5; Мц 28:18; 1Кар 15:27
а бачым Ісуса, Які крыху быў паніжаны перад анёламі, Які праз пакуту сьмерці атрымаў вянок славы і пашаны, каб з ласкі Божае пакаштаваў сьмерці за ўсіх.Ян 3:16; Флп 2:7; Флп 2:11; Адкр 5:9
Бо трэба было, каб Той, дзеля Якога ўсё і праз Якога ўсё, ведучы многіх сыноў у славу, Начальніка збаўленьня іхняга праз пакуты ўчыніў споўненым.Выс 16:4; Лк 24:26; Ян 1:3
Бо і Той, Які асьвячае, і тыя, якія асьвячаюцца, усе — з Аднаго; дзеля гэтай прычыны Ён не саромеецца называць іх братамі, кажучы:Мц 28:10; Ян 20:17
«Паведамлю імя Тваё братам Маім, пасярод царквы засьпяваю Табе».Пс 22:23
І яшчэ: «Я буду спадзявацца на Яго». І яшчэ: «Вось, я і дзеці, якіх даў мне Бог».Іс 8:17; 2Цар 22:3
Дык калі дзеці сталіся супольнікамі цела і крыві, і Ён таксама мае ўдзел у іх, каб праз сьмерць зьнішчыць таго, хто мае ўладу над сьмерцю, гэта ёсьць д’ябла,Ян 1:14; Рым 8:3; 1Кар 15:54; 2Цім 1:10
і вызваліць тых, якія дзеля страху сьмерці праз усё жыцьцё падлягалі няволі.Лк 1:74; Рым 8:15
Бо, сапраўды, не анёлаў Ён прыймае, але насеньне Абрагама прыймае.
Дзеля гэтага Ён павінен быў у-ва ўсім стацца падобным да братоў, каб быць міласьцівым і верным Першасьвятаром перад Богам дзеля перамольваньня за грахі народу.Флп 2:7; Габр 5:2
Бо таму, што Сам Ён, спакушваны, цярпеў, можа тым, якія спакушваныя, дапамагчы.Габр 4:15