ВысPro ВыслоўіPřísloví, раздзелkapitola Кніга выслоўяў СаламонавыхKniha přísloví, раздзелkapitola 12

Překlady Porovnat

Хто любіць настаўленьне, любіць веданьне, а хто ненавідзіць дакараньне, той дурань.Выс 10:17

Добры знойдзе ласку ў ГОСПАДА, але чалавека зламыснага Ён асудзіць.

Ня будзе стаяць чалавек бязбожнасьцю, а корань праведных не захістаецца.Выс 10:25; Іс 37:31; Ер 17:8

Дабрадзейная жонка — карона для мужа свайго, а бессаромная — як гніль у костках ягоных.

Думкі праведных слушныя, намеры бязбожнікаў падступныя.

Словы бязбожнікаў цікуюць на кроў, але вусны правых ратуюць іх.Выс 1:11

Паваленыя бязбожнікі, і няма іх, а дом праведных будзе стаяць.

Хваляць чалавека паводле розуму ягонага, але той, хто мае ліхое сэрца, будзе пагарджаны.

Лепей быць простым і працаваць на сябе, чым выдаваць сябе за паважнага і ня мець хлеба.

Праведнік рупіцца пра жыцьцё быдла свайго, а нутро бязбожных бязьлітаснае.Дрз 22:6; Дрз 25:4

Хто абрабляе зямлю сваю, той насыціцца хлебам, а хто ганяецца за марнасьцю, той ня мае розуму.Выс 28:19

Бязбожнік жадае [злавіць у] пасткі ліхоцьця, а корань праведных прыносіць [плод].

Ліхадзей заблытаецца праз правіны вуснаў сваіх, а праведнік выйдзе з бяды.Выс 18:7

З плоду вуснаў сваіх чалавек насыціцца дабром, і праца рук чалавека зьвернецца да яго.Пс 62:13

Шлях неразумнага слушны ў вачах ягоных, але мудры той, хто слухае параду.Выс 10:17

Гнеў неразумнага выяўляецца адразу, а разумны хавае зьнявагу.Экл 7:9

Хто дыхае праўдаю, той выкажацца праведна, а сьведка фальшывы хлусіць.Выс 14:5

Ёсьць такі, што лапоча і раніць, як мечам, а язык мудрага лечыць.Пс 59:8; Пс 64:4

Вусны праўдамоўныя трываць будуць вечна, а язык хлусьлівы — імгненьне.

Ашуканства ў сэрцы тых, якія задумляюць ліхоту, а ў тых, якія радзяць мір, — радасьць.

Не спаткае праведніка нічога благога, а ў бязбожніка будзе поўна няшчасьцяў.

Агіда для ГОСПАДА вусны хлусьлівыя, а тыя, што дзейнічаюць сумленна, падабаюцца Яму.Пс 5:7

Чалавек разумны прыхоўвае веданьне, а сэрца дурняў абвяшчае глупства.Выс 13:16

Рука руплівых будзе мець уладу, а нядбайныя будуць даньнікамі.

Смутак у сэрцы чалавека прыгнятае яго, а добрае слова разьвяселіць яго.

Праведнік мае перавагу над бліжнім сваім, а шлях бязбожнікаў зводзіць іх саміх.

Гультай не сьпячэ ўпаляванага, а маёмасьць чалавека руплівага каштоўная.

На сьцежцы праведнасьці — жыцьцё, і на шляху яе няма сьмерці.