Пс Псалтыр, псалом Псалтыр, псалом 63
Псальм Давіда, калі ён быў у пустыні Юдэйскай.1Цар 23:14
Божа! Ты — Бог мой! Цябе я шукаю, Цябе прагне душа мая, па Табе тужыць цела маё ў сухой і спрагнёнай зямлі, на бязводзьдзі.Іс 26:9; Пс 42:3
Гэтак я ўглядаўся на Цябе ў сьвятасьці Тваёй, каб убачыць моц Тваю і славу Тваю.Пс 23:6; Пс 27:4
Бо міласэрнасьць Твая лепшая за жыцьцё; вусны мае хваліць Цябе будуць.
Гэтак буду я дабраслаўляць Цябе ў жыцьці маім, у імя Тваё буду рукі мае ўзьнімаць.
Быццам тлушчам і тлустасьцю насычаецца душа мая, і сьпевам хвалы будуць хваліць Цябе вусны мае,
калі я на ложку маім пра Цябе ўспамінаю, калі ў часе варты [начной] пра Цябе разважаю.Пс 35:28
Бо Ты быў успамогай мне, і ў ценю крылаў Тваіх буду весяліцца.Пс 17:8
Прыляпілася да Цябе душа мая, падтрымлівае мяне правіца Твая.Іс 41:10
А тыя, што шукаюць загубы душы маёй, пойдуць у глыбіні зямлі,Лік 16:32
будуць аддадзены яны ў рукі мяча, стануцца здабычай шакалаў.
І валадар узрадуецца ў Богу; і будзе хваліцца кожны, хто Ім прысягае, бо будуць заткнёныя вусны таго, хто гаворыць хлусьню.Дрз 6:13; Іс 19:18; Ер 4:2