ПсPsa ПсалтырŽalmy, псаломžalm ПсалтырKniha žalmů, псаломžalm 68

Překlady Porovnat

Кіраўніку хору. Псальм Давіда. Сьпеў.

Няхай паўстане Бог, і будуць расьцярушаныя ворагі Ягоныя, і ўцякуць перад абліччам Ягоным тыя, хто ненавідзіць Яго.Лік 10:35

Як разносіцца [ветрам] дым, так Ты разьвееш іх; як топіцца воск перад абліччам агню, так бязбожнікі загінуць перад абліччам Божым.

А праведнікі ўзрадуюцца, будуць весяліцца перад абліччам Божым і гукаць ад радасьці.Пс 64:11

Сьпявайце Богу, выслаўляйце імя Ягонае! Узьвялічвайце Таго, Які ўзносіцца па-над пустыняй, ГОСПАД — імя Яго, і радуйцеся перад абліччам Ягоным.Іс 40:3; Іс 57:14

Ён — Бацька сіротаў і Заступнік удоваў, Бог у сядзібе сьвятасьці Сваёй,Пс 146:9; Ян 14:18

Бог, Які пасяляе самотных у дамы, Які выводзіць вязьняў з путаў, але бунтаўнікоў пакідае ў [пустыні] сьпякотнай.Пс 113:9

Божа, калі Ты выходзіў перад народам Тваім, калі праходзіў праз пустыню, (Сэлях)Вых 13:20; Лік 14:14

зямля дрыжала, і нябёсы тапіліся перад абліччам Бога, і гэты Сыён [дрыжаў] перад абліччам Бога, Бога Ізраіля.Вых 20:18

Шчодры дождж Ты выліў, Божа, на спадчыну Тваю, і тое, што зьнемаглося, Ты ўмацаваў.Іс 32:15; Іс 44:3; Ёіл 3:1

Жывыя Твае пасяліліся ў тым, што Ты ў добрасьці Тваёй уладкаваў для ўбогага, Божа.

Госпад даў вестку, і тых, якія дабравесьцяць яе, — вялікае войска.Іс 52:7

Валадары з войскамі ўцякаюць, уцякаюць, а тая, што даглядае дом, дзеліць здабычу!

Хоць вы ляжыце паміж абораў, вы сталіся, быццам галубка, у якой крылы пакрытыя срэбрам, а пер’е — золатам зелянявым.

Калі Усемагутны расьцярушыў валадароў у ёй, [яна сталася], як сьнег на Сальмоне.Суд 9:48

Гара Божая, гара Башан! Гара шматверхая, гара Башан.

Чаму глядзіце з зайздрасьцю, горы шматверхія, на гару, на якой Бог пасяліцца пажадаў? І ГОСПАД будзе жыць там заўсёды.Пс 114:4

Калясьніцаў Божых дзясяткі тысячаў, тысячы тысячаў; Госпад сярод іх, [як] на Сынаі, у сьвятасьці.Дрз 33:2

Ты ўзыйшоў на высачыню, паланіў палон, узяў дары для людзей; і нават бунтаўнікоў, каб жылі пры [Табе], ГОСПАДЗЕ Божа.Эф 4:10

Дабраслаўлёны Госпад! З дня на дзень Ён нас абдароўвае, Бог збаўленьня нашага. (Сэлях)

Бог для нас — Бог ратунку, і ГОСПАД — Госпад над крыніцаю сьмерці.Дрз 32:39; 1Цар 2:6

Сапраўды, Бог скрышыць галаву ворагаў Сваіх, валасатае цемя тых, што ходзяць у правінах сваіх.

Сказаў Госпад: «З Башану вярну, вярну з глыбіняў марскіх,Лік 21:33

каб змачыў нагу тваю ў крыві, а сабакі твае — языкі ў крыві ворагаў».Пс 58:11; Адкр 14:20

Бачылі шэсьце Тваё, Божа, шэсьце Бога майго і Валадара майго ў сьвятыні:

сьпевакі наперадзе ішлі, пасьля — музыкі, пасярэдзіне — дзяўчыны з бубнамі.Вых 15:20; 1Цар 18:6

У зграмаджэньні дабраслаўляйце Бога, ГОСПАДА, [вы, што] з крыніцы Ізраіля!Пс 22:23; Ян 20:17

Там Бэн’ямін, наймалодшы, мае ўладу над імі; князі Юды з палкамі сваімі; князі Завулёна, князі Нэфталі.

Загадаў Бог твой моцы тваёй! Умацуй, Божа, тое, што для нас учыніў!

Дзеля сьвятыні Тваёй у Ерусаліме валадары будуць прыносіць дары.Пс 72:10; Іс 60:6

Утаймуй зьвера ў чароце, статак быкоў сярод цялятаў народаў, якія падаюць [ніцма перад] кавалкамі срэбра; расьцяруш народы, якія жадаюць вайны!

Прыйдуць магнаты з Эгіпту, Куш працягне рукі свае да Бога.Іс 18:7

Валадарствы зямлі, сьпявайце Богу, выслаўляйце Госпада, (Сэлях)

Які сядзіць на нябёсах, нябёсах адвечных. Вось, Ён дае голас Свой, голас моцы Сваёй!Пс 29:3; Зах 9:14; Адкр 4:5

Прызнайце моц Божую! Над Ізраілем слава Ягоная, і моц Ягоная — у аблоках.

Страшны Ты, Божа, у сьвятыні Тваёй, Бог Ізраіля. Ён дае сілу і магутнасьць народу [Свайму]. Дабраслаўлёны Бог!