Isa Isaias, kapitulo Ang Libro ni Isaias, kapitulo 46
Ang mga dios-dios sa Babilonia
Ang mga dios-dios sa Babilonia nga sila si Bel
ug Nebo nagyuko samtang gikarga sa karwahi nga giguyod sa mga asno.
Bug-at sila nga karga alang sa gikapoy nga mga asno.Jer 50:2
Managsama sila nga nagyukbo,
ug dili nila mahimong luwason ang nagdala kanila.
Sila mismo apil sa pagkabihag.
Pamati kamo kanako, kamong mga kaliwat ni Jacob,
kamong tanang nahibilin sa katawhan sa Israel.
Giatiman ko kamo sukad pa sa inyong pagkatawo.
Bisag matigulang na kamo ug ubanon,
ako ang moatiman kaninyo.
Gihimo ko kamo ug bantayan ko gayod kamo.
Tabangan ko kamo ug luwason.Psa 71:9; Psa 71:18
Kang kinsa ba ninyo ako ikatandi?
Aduna bay sama kanako?Isa 40:18; Isa 41:7
Ang ubang mga tawo mopagawas sa ilang bulawan
ug plata ug mosuhol ug platero aron himuon kining dios-dios,
ug unya, ila kining yukboan ug simbahon.Jdg 17:4
Pas-anon nila kini, ug unya itungtong sa iyang butanganan,
ug magpabilin kini didto. Dili na kini makapahawa didto.
Kon adunay mag-ampo niini, dili kini motubag;
dili kini makaluwas kanila gikan sa ilang mga kalisod.Jer 10:5
Timan-i ninyo kini, kamong mga masinupakon,
ug itanom gayod kini sa inyong alimpatakan.
Hinumdomi usab ninyo ang akong gipanghimo sa unang panahon.
Kay ako lamang ang Dios, ug wala nay lain nga sama nako.Deu 32:39
Sa sinugdan pa lang gipadayag ko na ang umaabot.
Sukad pa kaniadto, giplano ko na kon unsa ang mahitabo.
Matuman gayod ang akong mga plano;
himuon ko ang tanan kong gustong buhaton.Psa 33:11; Heb 6:17
Magtawag akog usa ka tawo gikan sa usa ka layong dapit sa sidlakan,
ug tumanon niya ang akong mga plano.
Mosakdap siya sama sa langgam nga gapangdagit.
Kon unsa ang akong gisulti ug giplano tumanon ko kini.Psa 33:9
Pamati kamo kanako, kamong mga gahig ulo.
Dili gayod kamo makaangkon ug kadaogan.46:12 Dili…kadaogan: o Dili gayod kamo maghimo ug matarong.
Sa dili madugay, hatagan kog kadaogan
ug kaluwasan ang Jerusalem,46:13 Jerusalem: sa Hebreo, Zion. ug pasidunggan ko ang Israel.