Пс Псалтыр, псалом Псалтыр, псалом 71
Пра Саламона. Псальма Давідава.
Божа! даруй цару Твой суд і сыну цара Тваю праўду,Дан 7:27; Іс 11:5
няхай судзіць людзей Тваіх справядліва і ўбогіх Тваіх на судзе;Іс 32:1
няхай прынясуць горы мір людзям і пагоркі праўду;3Цар 4:24; Эф 2:14
няхай судзіць убогіх народу, няхай выратуе сыноў убогага, і суйме прыгнятальніка, -Пс 44:5; Іс 11:4
і будуць баяцца Цябе, пакуль будуць сонца і месяц, у роды родаў.Ер 31:36
Ён сыдзе, як дождж на скошаны луг, як кроплі, што арашаюць зямлю;Суд 6:36; 2Цар 23:4
У дні ягоныя праведнік будзе цьвісьці, і будзе вялікі спакой, пакуль ня спыніцца месяц:Іс 35:1; Ас 14:6
ён будзе валадарыць ад мора да мора і ад ракі да краёў зямлі;3Цар 4:21
упадуць перад ім жыхары пустыняў, і ворагі ягоныя будуць лізаць пыл;
цары Тарсіса і выспаў даніну яму паднясуць; цары Аравіі і Савы дары паднясуць;Пс 44:13
і паклоняцца яму ўсе цары; усе народы служыцьмуць яму;Пс 21:30; Адкр 21:24
бо вызваліць ён убогага, што галосіць, і прыгнечанага, што дапамогі ня мае,
умілажаліцца з гаротніка ўбогага, і душы гаротнікаў уратуе;Ян 5:7
ад хітрыны і гвалту вызваліць душы іхнія, і каштоўнаю будзе кроў перад вачыма ягонымі;
і будзе жыць, і будуць даваць яму золата Аравіі, і будуць маліцца за яго няспынна, кожнага дня дабраслаўляць яго;Іс 53:10; Габр 7:16
на зямлі будзе шчодрае збожжа, наверсе гор; і плады ягоныя захвалююцца, быццам лес на Ліване, і ў гарадах размножацца людзі, як трава на зямлі;Іс 27:6; Ас 14:6; Зах 10:8
будзе імя ягонае дабраславёнае навечна; пакуль сонца жыве, будзе перадавацца імя ягонае; і дабраславяцца ў ім усе плямёны зямныя, усе народы будуць злагоджваць яго.Быц 12:3; Гал 3:8; Гал 3:16
Дабраславёны Гасподзь Бог, Бог Ізраілеў, адзіны, Хто творыць цуды,1Пар 16:36; Лк 1:68
і дабраславёнае імя славы Ягонае навечна, і напоўніцца славаю Яго ўся зямля. Амін і амін.Іс 6:3
Скончыліся малітвы Давіда, сына Ясэевага.