JerΙερ JeremiasΙερεμίας, kabanataκεφάλαιο Ang Aklat ni JeremiasΒιβλίο του προφήτου Ιερεμίου, kabanataκεφάλαιο 6

Μεταφράσεις Σύγκριση

Ito pa ang sinabi ng Panginoon:

“Tumayo kayo sa mga kanto at magmasid kayo nang mabuti.

Magtanong kayo kung alin ang dati

at mabuting daan, at doon kayo dumaan.

At makakamtan ninyo ang kapayapaan.

Ngunit sinabi ninyo, ‘Hindi kami dadaan doon.’Jer 18:15; Mat 11:29

Naglagay ako ng mga tagapagbantay

at sinabi nila sa inyo,

‘Pakinggan ninyo ang tunog

ng trumpeta bilang babala.’

Ngunit sinabi ninyo, ‘Hindi namin iyon pakikinggan.’Isa 62:6

Kaya kayong mga bansa, makinig kayo.

Masdan ninyong mabuti

kung ano ang mangyayari sa kanila.

Buong mundo, makinig kayo!

Magpapadala ako ng kapahamakan

sa mga taong ito

upang parusahan sila

sa kanilang masasamang balak.

Sapagkat ayaw nilang pakinggan

ang mga salita ko

at itinakwil nila ang mga kautusan ko.Num 14:35; Isa 1:2

Walang halaga sa akin

ang inihahandog nilang insenso

kahit na galing pa ito sa Sheba,

o ang mga pabangong mula pa

sa malayong lugar.

Hindi katanggap-tanggap

ang kanilang mga handog na sinusunog.

Hindi ako natutuwa sa mga handog nila sa akin.”Isa 1:11; Amo 5:21; Mic 6:7

Kaya ito ang sinabi ng Panginoon:

“Ako ay maglalagay ng katitisuran sa dinadaanan ng mga taong ito.

At dahil dito, babagsak ang mga ama

at mga batang lalaki,

pati ang mga magkaibigan at magkapitbahay.”