Psa Mga Salmo, salmo Ang Libro sa Mga Salmo, salmo 62
Ang awit alang sa mag-aawit nga si Jedutun. Awit ni David.Psa 39:0
Sa Dios lang ako adunay kapahulayan;
ang akong kaluwasan naggikan kaniya.Psa 37:7
Siya lang ang akong salipdanan nga bato ug manluluwas.
Siya ang akong dalangpanan, busa dili gayod ako malaglag.Psa 18:2
Kamong tanan nga akong mga kaaway,
hangtod kanus-a pa ba kamo magsige ug sulong
aron sa paglaglag kanako?
Sama ako sa paril nga kalumpagon
o sa koral nga gaharag.Isa 30:13
Gusto lang ninyo akong papahawaon
sa akong taas nga katungdanan.
Nalipay kamo sa pagpamakak.
Nagsulti kamog maayo kanako
apan sulod sa inyong kasing-kasing gipanghimaraot ninyo ako.Psa 28:3; Jer 9:8
Sa Dios lang ako makaangkon
ug kapahulayan kay gihatagan niya akog paglaom.
Siya lang ang akong salipdanan nga bato ug manluluwas.
Siya ang akong dalangpanan, busa dili ako malaglag.2Ch 25:8
Anaa sa Dios ang akong kaluwasan ug kadungganan.
Siya ang akong lig-ong salipdanan nga bato,
ang akong tigpanalipod.
Kamong mga katawhan sa Dios,
salig kamo kaniya sa tanang panahon!
Isulti kaniya ang tanan ninyong kabalaka
kay siya ang nagpanalipod kanato.Psa 4:5; 1Sa 1:15; Job 30:16
Ang mga tawo, dungganon man o dili, dili kasaligan.
Managsama ra sila nga walay pulos.
Kon timbangon sila, mas gaan pa sila kaysa hangin.Psa 39:5; Isa 40:23; Dan 4:35
Ayaw kamo pagsalig sa pagpanghuthot.
Ayaw paabota nga adunay makuha
kang kaayohan pinaagi sa pagpangawat.
Bisan pag modaghan ang inyong bahandi,
ayaw pagsalig niini.Mat 19:24; Luk 12:19; 1Ti 6:9; 1Ti 6:17
Makadaghan ko na madungog
nga miingon ang Dios nga iya ang gahom
ug ang gugma.
Sigurado gayod nga gantihan sa Ginoo ang mga tawo
sumala sa ilang binuhatan.Job 34:11; Pro 24:12; Jer 32:19; Ezk 33:20; Mat 16:27; Rom 2:6