Пс Псалтыр, псалом Псалтыр, псалом 61
Кіроўцу хору Ідутумавага. Псальма Давідава.Пс 38:1
Толькі ў Богу душа мая суцяшаецца; ад Яго выратаваньне маё.Пс 36:7
Толькі Ён - цьвярдыня мая, ратунак мой, сховы мае: не пахіснуся болей.Пс 17:3
Дакуль будзеце налягаць на чалавека? Абвалены будзеце вы, усе вы, як сьцяна нахіленая, як плот расхістаны.Іс 30:13
Яны скінуць яго з вышыні намысьлілі, ашукаю скарысталіся; вуснамі дабраслаўляюць, а ў сэрцы сваім клянуць.Пс 27:3; Ер 9:8
Толькі ў Богу, душа мая, супакойвайся! бо на Яго ўся надзея мая.
Толькі Ён - цьвярдыня мая і ратунак мой, сховы мае: не пахіснуся.2Пар 25:8
У Богу выратаваньне маё і слава мая; скала сілы маёй і надзея мая ў Богу.
Народзе! на Яго спадзявайся ўвесь час; сэрца маё прад Ім вылівайце: Бог - нам прыстанішча.Пс 4:6; 1Цар 1:15; Ёў 30:16
Сыны чалавечыя - марнасьць адна; сыны мужоў - ашуканства; калі іх пакласьці на вагі, усе яны разам лягчэйшыя за пустату.Пс 38:6; Іс 40:23; Дан 4:32
Не спадзявайцеся на рабункі, і не выхваляйцеся крадзяжом; калі багацьце множыцца, ня хілецеся да яго сэрцам.Мц 19:24; Лк 12:19; 1Цім 6:9; 1Цім 6:17
Аднойчы сказаў Бог, і двойчы я гэта пачуў, што сіла - у Богу,
і ў Цябе, Госпадзе, міласьць, бо Ты плаціш кожнаму паводле ўчынкаў ягоных.Ёў 34:11; Выс 24:12; Ер 32:19; Езк 33:20; Мц 16:27; Рым 2:6