Як Якава, раздзел Пасланне Якава, раздзел 2
Браты мае! майце веру ў Ісуса Хрыста, нашага Госпада славы, бяз увагі на асобы.Ляв 19:15
Бо калі на сход ваш увойдзе чалавек з залатым пярсьцёнкам, у багатым убраньні, увойдзе і бедны ў гаротнай адзежы,
і вы глянеце на таго, хто ў багатым убраньні, і скажаце яму: табе трэба сесьці тут, а беднаму скажаце: ты стань там, альбо: сядзь тут, каля ног маіх,
дык ці ня робіце розьніцы між сабою і ці ня робіцеся вы зламыснымі судзьдзямі?
Паслухайце, браты мае любасныя: ці ж ня бедных сьвету выбраў Бог быць багатымі вераю і спадчыньнікамі Царства, якое Ён абяцаў тым, хто любіць Яго?Вых 20:6; Мц 5:3
а вы пагрэбавалі бедным. Ці не багатыя ўціскаюць вас, і ці ж не яны цягнуць вас у суды?
Ці не яны няславяць добрае імя, якім вы называецеся?
Калі вы выконваеце закон царскі, паводле Пісаньня: палюбі блізкага твайго, як сябе самога, - добра робіце.Ляв 19:18; Мц 5:43
Але калі робіце з аглядкаю на асобы, дык грэх чыніце, і перад законам вы злачынцы.Ляв 19:15
Хто выконвае ўвесь закон і згрэшыць у чым-небудзь адным, той робіцца вінаватым ва ўсім.Мц 5:19
Бо Той, Хто сказаў: не распусьнічай, сказаў і: не забі; таму, калі ты не распусьнічаеш, але заб'еш, дык ты таксама адступнік ад закона.Вых 20:13; Мц 19:18
Так гаварэце і так рабеце, як тыя, што маюць быць суджаныя згодна з законам свабоды.
Бо суд ня мецьме літасьці да таго, хто не літасьцівы; літасьць узьнесена над судом.Выс 21:13; Мц 6:15
Якая карысьць, браты мае, калі хто кажа, што ён мае веру, а дзеяў ня мае? Ці можа гэтая вера ўратаваць яго?Мц 7:26
Калі брат альбо сястра безадзежныя і ня маюць на дзень пражытку,Лк 3:11; 1Ян 3:17
а хто-небудзь з вас скажа ім: ідзеце зь мірам, грэйцеся і кармецеся, але ня дасьць ім патрэбнага целу: якая карысьць?
Гэтак і вера, калі ня мае дзеяў, мёртвая сама ў сабе.
А скажа хто-небудзь: ты маеш веру, а я маю дзеі: пакажы мне веру тваю бязь дзеяў тваіх, а я пакажу табе веру маю празь дзеі мае.
Ты верыш, што Бог адзіны: слушна робіш; і дэманы вераць, і трымцяць.Мк 1:24; Мк 12:29; Дзеі 19:15
Але ці хочаш ведаць, марны чалавеча, што вера бязь дзеяў мёртвая?
Ці ж ня дзеямі апраўдаўся Абрагам, бацька наш, паклаўшы на ахвярнік Ісаака, сына свайго?Быц 22:9; Габр 11:17
Ці бачыш, што вера спрыяла дзеям ягоным, і дзеямі вера дасягнула дасканаласьці.
І спраўдзілася слова Пісаньня: вераваў Абрагам Богу, і гэта залічылася яму ў праведнасьць, і ён названы прыяцелем Божым.Быц 15:6; 2Пар 20:7; Іс 41:8; Рым 4:3; Гал 3:6
Ці бачыце, што чалавек апраўдваецца дзеямі, а ня вераю толькі?
Гэтак сама і Рааў распусьніца ці ж ня дзеямі апраўдалася, прыняўшы выведнікаў і выпусьціўшы іх іншаю дарогаю?Нав 2:1; Габр 11:31
Бо, як цела бяз духу мёртвае, так і вера бязь дзеяў мёртвая.