Выс Выслоўі, раздзел Кніга выслоўяў Саламонавых, раздзел 5
Сыне мой! слухай мудрасьці маёй і нахілі вуха тваё да навукі маёй,Выс 4:20
каб датрымацца добрае рады і каб вусны твае хвалілі спазнанае.
Бо мёд цячэ з вуснаў чужое жонкі, і мякчэйшая за алей гаворка ў яе;
але весьнік яе горкі, нібы палын, востры, як меч двусечны,
ногі яе сыходзяць да сьмерці, ступакі яе дастаюць да апраметнай.Выс 7:27; Мц 14:6
Каб ты не спасьцігнуў сьцежкі жыцьця яе, дарогі яе нясталыя, і ты ня зьведаеш іх.
Дык вось, дзеці, паслухайце мяне і не адступайцеся ад словаў вуснаў маіх.
Далей ад яе ідзі па дарозе тваёй і не падыходзь пад дзьверы дома яе,Выс 7:25
каб здароўя твайго не аддаў іншым і гадоў тваіх бязьлітасьніку;Выс 6:33
каб не насычаліся сілаю тваёю чужынцы і праца твая ня ішла ў чужы дом.Выс 29:3
І ты ўрэшце будзеш стагнаць, калі плоць твая і цела зьнямогуцца,Лк 15:14
і скажаш: «навошта я ненавідзеў навуку, і сэрца маё асьцярогамі пагарджала,
і я ня слухаў голасу настаўнікаў маіх, не нахіляў вуха майго да настаўнікаў?
Ледзь ня ўпаў я ў вялікае ліха сярод сходу і грамады!»
Пі ваду з тваёй крыніцы, тую, якая цячэ з тваёй студні.Выс 9:17
Хай не разьліваюцца крыніцы твае па вуліцы, патокі водаў - па плошчах;
хай яны будуць належаць табе самому, а ня чужым з табою.
Крыніца твая хай дабраславёная будзе; і радуйся з жанчынай тваёй маладосьці,Экл 9:9
любаснаю касуляю і прыгожаю сарнаю; грудзі яе хай упояць цябе ў кожны час; каханьнем яе цешся заўсёды.
І навошта табе, сыне мой, захапляцца распусьніцаю і абдымаць грудзі чужое?
Бо перад вачыма Госпада ўсе шляхі чалавека, і Ён прастуе ўсе сьцежкі яго.Ёў 34:24; Ер 16:17
Беззаконнага ловяць уласныя беззаконьні яго, і путамі грэху свайго ён павязаны.Пс 7:17; Іс 5:18
Ён памірацьме без настаўленьня і ў вялікай сваёй неразумнасьці наблукаецца.Езк 33:11