Выс Выслоўі, раздзел Кніга выслоўяў Саламонавых, раздзел 8
Ці мудрасьць не заклікае? і ці розум ня ўзносіць свой голас?Мц 11:19; 1Кар 1:24
Яна стаіць на ўзвышаных месцах, пры дарозе, на ростанях;
яна кліча каля гарадское брамы, дзе ўваходзяць у дзьверы:
«Да вас, людзі, даклікаюся я, і да сыноў чалавечых мой голас!
Навучэцеся, невукі, добрай разумнасьці, зразумейце вы розум, бязглуздыя.Пс 91:7
Слухайце, бо я буду казаць важнае, і моўленьне вуснаў маіх - праўда;Мц 7:29
Бо ісьціну вымавіць язык мой, а бязбожнасьць - гідота для вуснаў маіх;Ян 8:46
усе словы вуснаў маіх слушныя; няма ў іх хітрыны і ашуканства;Пс 11:7
усе яны простыя разумнаму і справядлівыя тым, хто здабыў веды.
Прымеце навуку маю, а ня срэбра; лепей веды, чым чыстае золата;Ёў 28:15; Выс 3:14
бо мудрасьць лепшая за перлы, і ўсё, чаго пажадаеш, не дараўнаецца зь ёю.Ёў 28:16
Я, мудрасьць, жыву з розумам, і шукаю спазнаньня ў разважлівага.Лк 11:49
Страх Гасподні - ненавідзець зло; гонар і пыху і ліхія шляхі і падступныя вусны я ненавіджу.
У мяне рада і праўда: я розум, у мяне сіла.
Мною цары валадараць, і праўнікі ўзаконьваюць праўду.Быц 49:10; Дан 2:21; Рым 13:1
Мною кіруюць уладыкі і вяльможы, і ўсе судзьдзі праведныя.
Хто любіць мяне, тых я люблю, і хто шукае мяне, знойдуць мяне;
багацьце і слава са мною - скарб нятленны, і праўда;Выс 3:16
плады мае лепшыя за золата, і золата самага чыстага, і карысьці ад мяне болей, чым ад чыстага срэбра.Ёў 28:17
Я хаджу дарогаю праўды, сьцежкамі правасудзьдзя,
каб даць тым, хто мяне любіць, спадчыну дабра, і скарбніцы іхнія я напаўняю.
Гасподзь меў мяне ад пачатку дарогі Сваёй, раней дзеяў Сваіх, спрадвеку:Ян 1:1
адвеку была я памазаная, ад пачатку, ад правеку зямлі.
Я нарадзілася, калі ня было яшчэ бездані, калі яшчэ ня было крыніц, багатых вадою.
Я нарадзілася перш, чым былі пастаўлены горы, раней за пагоркі,Пс 89:3; Пс 109:3
калі яшчэ Ён не стварыў ні зямлі, ні палёў, ні пачатковых пылінак сусьвету.
Ён рыхтаваў нябёсы, я была там. Калі ён крэсьліў скляпеньне над паверхняю бездані,
калі сталяваў наверсе аблокі, калі мацаваў крыніцы бездані,Ёў 26:8; Ёў 36:29
калі даваў мору статут, каб воды не заступалі межаў яго, калі закладваў асновы зямлі:Ёў 38:10
тады я была пры Ім за майстра, і была кожны дзень радасьцю, весялосьцю была перад абліччам Ягоным заўсёды,Ян 5:20
радуючыся на зямным коле Яго, і радасьць мая была з сынамі чалавечымі.Ян 1:10
Цяпер, дзеці, паслухайце мяне; і шчасныя тыя, што будуць ахоўваць шляхі мае!Пс 118:1; Лк 11:28
Паслухайце настаўленьня, і мудрымі станьце, і не адступайцеся ад яго.
Шчасны той чалавек, які слухае мяне, чуваючы дзень у дзень каля варотаў маіх і вартуючы дзьверы мае!Мк 3:20
Бо, хто знайшоў мяне, той знайшоў жыцьцё, і атрымае мілату ад Госпада;
а хто грэшыць супроць мяне, учыняе шкоду душы маёй: усе тыя, што ненавідзяць мяне, любяць сьмерць».