Пс Псалтыр, псалом Псалтыр, псалом 142
Псальма Давіда, калі яго перасьледаваў сын ягоны Авэсалом.
Госпадзе, пачуй малітву маю, уваж маленьню майму па праўдзе Тваёй; пачуй мяне па праўдзе ТваёйПс 5:2; Пс 16:1
і не ўваходзь у суд з рабом Тваім, бо не апраўдаецца прад Табою ніводзін жывы.Ёў 9:2; Ёў 15:14; Ёў 25:4
Вораг перасьледуе душу маю, затаптаў у зямлю жыцьцё маё, прымусіў мяне жыць у цемры, як даўно памерлых,1Цар 23:14
і засмуціўся ўва мне дух мой, зьнямела ўва мне сэрца маё.
Прыгадваю дні мінулыя, думаю пра ўсе дзеі Твае, разважаю пра дзеі рук Тваіх,Пс 76:6
працягваю да Цябе рукі мае; душа мая - да Цябе, як перасохлая зямля.Пс 27:2
Хутчэй пачуй мяне, Госпадзе: дух мой зьнемагае; не хавай аблічча Твайго ад мяне, каб я не спадобіўся тым, што ў магілу ідуць.Пс 27:1
Дай мне рана пачуць ласку Тваю, бо я на Цябе спадзяюся. Пакажы мне, Госпадзе, дарогу, па якой мне ісьці, бо да Цябе я ўзношу душу маю.Пс 85:11
Вызвалі мяне, Госпадзе, ад ворагаў маіх; да Цябе прыбягаю.
Навучы мяне выконваць волю Тваю, бо Ты - Бог мой; Дух Твой добры вядзе мяне ў зямлю праўды.Нээм 9:20
Дзеля імя Твайго, Госпадзе, ажыві мяне; дзеля праўды Тваёй выведзі зь нягоды душу маюПс 26:11; Пс 141:7
і зь літасьці Тваёй зьлічы ворагаў маіх, і загубі ўсіх, што ўціскаюць душу маю, бо я - Твой раб.