Пс Псалтыр, псалом Псалтыр, псалом 95
Пахвальная песьня Давідава. На будову дома.
Засьпявайце Госпаду песьню новую; засьпявайце Госпаду, уся зямля;1Пар 16:23
сьпявайце Госпаду, дабраслаўляйце імя Ягонае, зьвястуйце дзень у дзень выратаваньне Ягонае;
абвяшчайце ў народах славу Ягоную, ва ўсіх плямёнах дзівосы Ягоныя;
бо вялікі Гасподзь і праслаўлены, грозны Ён над багамі ўсімі.
Бо ўсе багі народаў - ідалы, а Гасподзь нябёсы стварыў.Іс 41:24
Слава і веліч прад абліччам Ягоным, сіла і вялікае хараство ў сьвятыні Ягонай.1Пар 16:27
Дайце Госпаду, плямёны народаў, дайце Госпаду славу і гонар;1Пар 16:29; Пс 28:1
дайце Госпаду славу імя Ягонага, нясеце дары, і ідзеце ў двары Ягоныя;
пакланецеся Госпаду ў аздобе сьвятыні. Трымцеце прад абліччам Ягоным, уся зямля!
Скажэце народам: валадарыць Гасподзь! таму сусьвет цьвёрды, не пахісьнецца. Ён будзе судзіць народы па праўдзе.Зах 9:10
Хай весяляцца нябёсы, і хай радуецца зямля; хай шуміць мора і ўсё, што ў ім;1Пар 16:31; Іс 49:13; Адкр 12:12
хай радуецца поле і ўсё, што на ім, і хай сьпяваюць тады ўсе дрэвы ў дубровах
прад абліччам Госпада, бо ідзе судзіць зямлю. Ён будзе судзіць сусьвет па праўдзе, і народы паводле ісьціны Сваёй.Пс 9:9; Дзеі 17:31; Іс 3:14