Gen Genesis, kapitulo Genesis Ang Unang Libro ni Moises, kapitulo 49
Gipanalanginan ni Jacob ang Iyang mga Anak
Unya gipatawag ni Jacob ang iyang mga anak ug giingnan: “Pagtigom kamo kay suginlan ko kamo kon unsa ang mahitabo kaninyo sa umaabot nga panahon.Deu 33:1
“Dali kamo, mga anak ni Jacob,
pamati kamo kang Israel nga inyong amahan.
“Ikaw Ruben, ang akong kamagulangan nga anak,
ikaw ang unang bunga sa akong pagkalalaki.
Nag-una ka sa imong mga igsoon
sa pagkadungganon ug pagkagamhanan.Gen 29:32; Deu 21:17
Apan sama ka sa nagbukal nga tubig,
kay dili ka makapugong sa imong kaibog.
Ug tungod kay nakigdulog ka sa akong asawa nga sulugoon
ug gihugawan mo ang akong kaminyoon,
dili ka na molabaw sa uban.Gen 35:22; 1Ch 5:1
“Kamo Simeon ug Levi nga kanunayng magkasinabot,49:5 kanunayng magkasinabot: sa Hebreo, magsoon.
gigamit ninyo ang inyong hinagiban sa pagpamatay.Gen 34:25
Ayaw ako patambonga sa inyong panagtigom
kay sa inyong kasuko mopatay kamo ug tawo,
ug piangan ninyo ang torong baka sa walay igong hinungdan.Gen 34:26
Panghimaraoton kamo tungod sa inyong mapintas nga kasuko.
Patibulaagon ko ang inyong mga kaliwat sa Israel.Jos 19:1; Jos 21:3
“Ikaw Juda, dayegon ka ug tahoron sa imong mga igsoon.
Pildihon mo ang imong mga kaaway.1Ch 4:27; 1Ch 4:38; 1Ch 4:41
Sama ka Juda sa batan-ong liyon nga human pagpangita sa iyang tukbonon,
mobalik sa iyang tago-anan ug molubog.
Ug wala gayoy mangahas
sa pagsamok kaniya.Num 24:9
Magmando ka sa dayon, Juda.
Maggikan sa imong kaliwatan ang mga tigdumala.
Busa mohatag ang mga nasod ug buhis
ug motuman sila kanimo.1Ch 5:2; Jhn 1:45; Jhn 5:46; Mat 2:6
Tabunok ang imong yuta
ug modaghan ang tanom nga ubas;
gani bisag ihigot mo ang imong asno
diha sa pinakamaayong punoan sa ubas,
dili kini mahurot ug sabsab.
Manglaba siya sa iyang bisti
ug ang duga sa ubas ang iyang gamiton.Isa 63:1
Busa tungod sa kadaghan sa mainom
nga duga sa ubas mopula ang imong mga mata
ug tungod sa kadaghan sa mainom nga gatas moputi
ang imong mga ngipon.Rev 1:14
“Ikaw Zabulon, magpuyo ka daplin sa baybay.
Ang imong dapit mahimong dunggoanan sa mga sakayan.
Ang imong yuta mosangko sa Sidon.Jos 19:10
“Ikaw Isacar,
sama ka sa kusgan nga asno
nga naglubog sa puloy-anan sa mga karnero.49:14 kusgan…karnero: o asno nga naglubog taliwala sa iyang mga karga.Jdg 5:15
Kon makita mo nga ang yuta nindot ug maayong pahulayan,
mosugot ka nga magpaulipon;
bisan magpas-an ka pa ug bug-at
ug pugson sa pagtrabaho.Deu 33:18
“Ikaw Dan, pangulohan mo ug maayo ang imong katawhan
ingon nga usa sa mga tribo sa Israel.Jdg 13:25
Mahisama ka Dan sa malala nga bitin sa daplin sa dalan
nga mopaak sa tiil sa kabayo,
busa mahulog ang sakay niini.Jdg 18:1
“O Ginoo, naghulat ako sa imong pagluwas kanako.Psa 119:166; Luk 2:30
“Ikaw Gad, sulongon ka sa pundok sa mga tulisan,
apan balosan mo sila samtang nag-ikyas sila.Num 32:17
“Ikaw Aser, modagaya ang lamiang mga pagkaon diha kanimo.
Mohatag ka ug mga pagkaon nga angay sa mga hari.Deu 33:24
“Ikaw Neftali, sama ka sa binuhian nga usa
nga adunay maanindot nga mga nati.49:21 Sa ubang hubad, Si Neftali binuhian nga usa nga mosulti ug nindot nga mga pulong.Jdg 4:6
“Ikaw Jose, sama ka sa maidlas nga asno
nga anaa daplin sa tuboran o sa bakilid.49:22 O Ikaw Jose, sama ka sa tanom nga haduol sa tuboran, nga nagkatay sa may paril.Gen 48:16
Giataki ka sa bangis nga mga mamamana.
Gipana ka nila ug gidumtan.
Apan gipana mo usab sila kanunay.
Ug nagpabiling lig-on ang imong mga bukton,
tungod sa gahom sa Makagagahom nga Dios ni Jacob,
ang Magbalantay ug ang salipdanan nga Bato sa Israel.Deu 33:17
Siya ang Makagagahom nga Dios sa imong katigulangan.
Siya ang nagtabang ug nagpanalangin kanimo.
Hatagan ka niya ug ulan ug tubig sa tuboran.
Hatagan ka usab niya ug daghang kabataan ug kahayopan.
Ang mga panalangin nga gihatag kanako sa akong mga katigulangan49:26 O Ang mga panalangin nga gihatag ko kanimo.
labaw pa kaysa kadagaya sa mga panalangin nga naggikan sa karaang mga bungtod.
Hinaut pa nga madawat mo kini nga mga panalangin,
Jose, ikaw nga nahimong pangulo sa imong mga igsoon.Deu 33:16
“Ikaw Benjamin, sama ka sa bangis nga iro49:27 bangis nga iro: o lobo.
nga sa adlaw mopatay ug mokaon sa iyang biktima
ug sa gabii bahin-bahinon niya ang nahibilin niini.”Jdg 20:21; Jdg 20:25; Jdg 20:31
Mao kini sila ang 12 ka anak ni Jacob nga kagikan sa mga tribo sa Israel. Ug mao kadto ang gisulti ni Jacob sa matag-usa kanila sa dihang gipanalanginan niya sila. Gipanalanginan niya sila sa panalangin nga angay kanila.
Ang Pagkamatay ni Jacob
Unya miingon si Jacob sa iyang mga anak, “Hapit na akong makig-uban sa akong kaparyentehan nga nangamatay na. Ilubong unya ninyo ako didto sa lubnganan sa akong mga katigulangan didto sa langub nga atua sa uma ni Efron nga Hitihanon. Gen 25:8; Gen 47:30Ang maong uma atua nahimutang sa Macpela, sa sidlakang bahin sa Mamre, nga sakop sa Canaan. Gipalit sa akong lolo nga si Abraham kadtong maong uma kang Efron nga Hitihanon aron himuon nga lubnganan. Gen 23:16; Gen 50:13; Act 7:16Didto siya gilubong, apil ang akong lola nga si Sara ug ang akong mga ginikanan nga si Isaac ug si Rebeka, ug didto ko usab gilubong si Lea. Gen 25:9; Gen 35:29Kini nga uma ug ang langub nga anaa niini gipalit gikan sa mga Hitihanon.”
Human makigsulti si Jacob sa iyang mga anak, mihigda siya ug namatay. Ug nakig-uban siya sa iyang kaparyentehan nga nangamatay na.Act 7:15