Psa Mga Salmo, salmo Ang Libro sa Mga Salmo, salmo 144
Awit ni David.
Dalaygon ang Ginoo nga akong salipdanan nga bato.
Gibansay niya ako sa pagpakig-gira.2Sa 22:35
Siya ang akong mahigugmaong Dios
ug lig-ong tago-anan.
Siya ang akong dalangpanan ug manluluwas.
Siya ang akong taming,
busa iya akong ginapanalipdan.
Gipailalom niya kanako ang mga nasod144:2 mga nasod: o mga katawhan. Mao kini sa ubang Masoretic nga Teksto, sa mga manuskrito sa Syriac, sa Targum. Sa kadaghanan sa mga manuskrito sa Masoretic nga Teksto, akong katawhan..2Sa 22:47
Ginoo, unsa ba gayod ang tawo
nga gikabalak-an mo man pag-ayo?
Tawo man lang siya,
nganong maghuna-huna ka man kaniya?Job 7:17; Psa 8:4; Heb 2:6
Sama man lang siya sa hangin,
ug ang iyang mga adlaw lumalabay lang
sama sa anino.Job 8:9; Job 14:2
Ginoo, ablihi ang langit ug kanaog.
Hikapa ang mga bukid aron moaso kini.2Sa 22:10
Pagpadala ug kilat aron magkatibulaag
ang akong mga kaaway,
ug laglaga sila.
Gikan sa langit, kab-ota ako ug luwasa gikan sa kamot
sa akong mga kaaway nga taga-laing dapit,
kansang gahom sama sa makusog nga bul-og sa tubig.Psa 124:4
Kini sila mga bakakon ug limbongan
bisan sa ilang pagpanumpa.
Awitan ka nako, O Dios, ug bag-ong awit
nga dinuyogan sa harpa.Psa 33:2; Isa 5:1; Rev 5:9
Ikaw ang naghatag ug kadaogan sa mga hari
ug nagluwas kang David nga imong alagad
gikan sa kamatayon.Pro 21:31
Luwasa ako gikan sa gahom sa mga kaaway nga langyaw,
nga mga bakakon ug limbongan bisan sa ilang pagpanumpa.
Hinaut pa nga ang among mga batan-ong anak nga lalaki,
mahisama sa mga tanom nga motubo nga tag-as ug lig-on,
ug ang among mga anak nga babaye,
mahisama sa matahom nga mga haligi sa palasyo.Ezk 24:25
Hinaut pa nga mapuno ang among mga bodega
sa tanang matang sa abot.
Hinaut pa nga mosanay ug linibo ang among mga karnero sa kaumahan,Luk 12:16
ug ang among mga baka manganak ug daghan144:14 manganak ug daghan: o magbaguod sa daghang abot..
Hinaut pa nga dili na kami sulongon sa mga kaaway
ug dili na kami bihagon.144:14 dili na kami sulongon…bihagon: o walay makuhaan o mamatyan sa pagpanganak.
Ug hinaut pa nga wala nay paghilak sa kalisang ug kasubo sa among kadalanan.Luk 14:19
Bulahan ang mga tawo nga nakasinati niining maong mga panalangin.
Bulahan ang mga tawo nga ang ilang Dios mao ang Ginoo.Psa 33:12