Ян Яна, раздзел Паводле Яна Святое Дабравесце, раздзел 1
На пачатку было Слова, і Слова было ў Бога, і Слова было Богам.Выс 8:22; 1Ян 1:1
Яно было на пачатку ў Бога:
усё празь Яго пачалося, і безь Яго нішто не пачалося з таго, што пачало быць.Быц 1:3; Пс 32:6
У Ім было жыцьцё, і жыцьцё было сьвятлом людзей.
І сьвятло ў цемры сьвеціць, і цемра не агарнула яго.Ян 3:19
Быў чалавек, пасланы ад Бога; імя яму Ян;Мц 3:1
Ён прыйшоў дзеля сьведчаньня, каб сьведчыць пра Сьвятло, каб усе ўверавалі празь Яго;
ён ня быў сьвятло, а быў пасланы, каб сьведчыць пра Сьвятло.
Было Сьвятло сапраўднае, Якое прасьвятляе кожнага чалавека, што прыходзіць у сьвет.Іс 60:1
У сьвеце было, і сьвет празь Яго пачаў быць, і сьвет Яго не пазнаў;
прыйшоў да сваіх, і свае Яго не прынялі;Мц 15:24
а тым, якія прынялі Яго, веруючым у імя Ягонае, даў уладу быць дзецьмі Божымі,Рым 8:15; Гал 3:26
якія не ад крыві, ні ад хаценьня плоці, ні ад хаценьня мужа, а ад Бога нарадзіліся.Ян 3:5
І Слова стала плоцьцю, і ўсялілася ў нас, поўнае мілаты і праўды; і мы бачылі славу Ягоную, славу, як Адзінароднага ад Айца.Мц 1:16; Мц 17:2; Ян 17:24; 2Кар 3:9; Габр 2:11
Ян сьведчыць пра Яго і ўсклікаючы кажа: Гэта быў Той, пра Якога я сказаў, што Той, Хто ідзе за мною, апярэдзіў мяне, бо быў раней за мяне.Мц 3:11
І ад паўнаты Яго ўсе мы прынялі і мілату да мілаты;Эф 1:6; Кал 1:19
бо закон дадзены праз Майсея, а мілата і праўда сталіся празь Ісуса Хрыста.Вых 20:1; Рым 3:24
Бога ня бачыў ніхто ніколі; Адзінародны Сын, існы ва ўлоньні Айцовым, Ён адкрыў.Вых 33:20; 1Ян 4:12; 1Цім 6:16
І вось сьведчаньне Яна, калі Юдэі прыслалі зь Ерусаліма сьвятароў і лявітаў спытацца ў яго: хто ты?Ян 5:33
Ён вызнаў і ня выракся, і вызнаў: я ня Хрыстос.Ян 3:28; Дзеі 13:25
І спыталіся ў яго: а што? ты Ільля? Ён сказаў: не. Прарок? Ён адказваў: не.
Сказалі яму: хто ж ты? каб нам даць адказ тым, што паслалі нас; што ты скажаш пра самога сябе?
Ён сказаў: я голас таго, хто кліча ў пустыні: папраўце шлях Госпаду, як сказаў прарок Ісая.Іс 40:3; Мц 3:3; Мк 1:3; Лк 3:4
А пасланцы былі з фарысэяў;
і яны спыталіся ў яго: што ж ты хрысьціш, калі ты ня Хрыстос, ня Ільля, ні прарок?
Ян сказаў ім у адказ: я хрышчу ў вадзе; але стаіць сярод вас Той, Каго вы ня ведаеце;
Вось Ён Той, Хто ідзе за мною, але Які апярэдзіў мяне: я ня варты разьвязаць рэмень на абутку Ягоным.
Гэта адбывалася ў Віфавары пры Ярдане, дзе хрысьціў Ян.
На другі дзень бачыць Ян Хрыста, Які ідзе да яго, і кажа: вось Ягня Божае, Якое бярэ на Сябе грэх сьвету;Вых 12:3; Іс 53:7
Гэта Той, пра Якога я сказаў; пасьля мяне прыйдзе Муж, Які існаваў да мяне, бо Ён быў раней зя мяне;
я ня ведаў Яго; але дзеля таго прыйшоў хрысьціць у вадзе, каб Ён зьяўлены быў Ізраілю.Мк 1:4
І сьведчыў Ян, кажучы: я бачыў Духа, што сыходзіў зь неба, як голуб, і быў Ён на Ім;Мц 3:16; Мк 1:10; Лк 3:22; Ян 6:27
я ня ведаў Яго; але Той, Хто паслаў мяне хрысьціць у вадзе, сказаў мне: на каго, убачыш, сыходзіць Дух і застаецца на Ім, Той ёсьць - Хто хрысьціць Духам Сьвятым;
і я бачыў і засьведчыў, што Гэты ёсьць Сын Божы.
На другі дзень зноў стаяў Ян і двое вучняў ягоных;
і, угледзеўшы Ісуса, Які ішоў, сказаў: вось Ягня Божае.
Пачуўшы ад яго гэтыя словы, абодва вучні пайшлі за Ісусам.
А Ісус, абярнуўшыся і ўбачыўшы, што яны ідуць, кажа ім: што вам трэба? Яны сказалі Яму: Равьві, - што азначае: настаўнік, - дзе жывеш?
Кажа ім: ідзеце, і ўбачыце. Яны пайшлі і ўбачылі, дзе Ён жыве, і прабылі ў Яго дзень той. Было каля дзясятай гадзіны.
Адзін з двух, што чулі пра Ісуса ад Яна і што пайшлі сьледам за Ім, быў Андрэй, брат Сымона Пятра.
Ён першы знаходзіць брата свайго Сымона і кажа яму: мы знайшлі Месію, што азначае: Хрыстос.
І прывёў яго да Ісуса. Ісус зірнуўшы на яго, сказаў: ты Сымон, сын Ёнін; ты назавешся Кіфа, што азаначае: камень (Пётр).Мц 16:18
На другі дзень Ісус захацеў ісьці ў Галілею, і знаходзіць Піліпа і кажа яму: ідзі за Мною.
А Піліп быў зь Віфсаіды, з аднаго горада з Андрэем і Пятром.
Піліп знаходзіць Натанаіла і кажа яму: мы знайшлі Таго, пра Якога пісаў Майсей у законе і прарокі, Ісуса, сына Язэпавага, з Назарэта.Быц 49:10; Дрз 18:15; Пс 39:8; Іс 4:2; Іс 7:14; Іс 9:6; Іс 40:11; Іс 45:8; Іс 53:1; Ер 23:5; Ер 33:14; Езк 34:23; Езк 37:24; Дан 9:24; Міх 5:2; Зах 9:9
Але Натанаіл сказаў яму: з Назарэта ці ж можа быць што добрае? Піліп кажа яму: ідзі і паглядзі.
Ісус, убачыўшы Натанаіла, які ішоў да Яго, кажа пра яго: вось, сапраўдны Ізраільцянін, у якім няма зламыснасьці.
Натанаіл кажа Яму: чаму Ты ведаеш мяне? Ісус сказаў яму ў адказ: перш чым паклікаў цябе Піліп, калі ты быў пад смакоўніцаю, Я бачыў цябе.
Натанаіл адказваў Яму: Равьві! Ты - Сын Божы. Ты - Цар Ізраілеў.
Ісус сказаў яму ў адказ: ты верыш, бо Я табе сказаў: Я бачыў цябе пад смакоўніцаю; убачыш болей за гэта.
І кажа яму: праўду, праўду кажу вам: ад сёньня будзеце бачыць неба адчыненае і анёлаў Божых, якія ўзыходзяць і сыходзяць да Сына Чалавечага.Быц 28:12