Рым Рымлянам, раздзел Пасланне да Рымлян, раздзел 14
Нямоглага ў веры прымайце бяз спрэчкі пра погляды ягоныя.Рым 15:1; 1Кар 8:12
Бо адзін ўпэўнены, што можна есьці ўсё, а нямоглы есьць гародніну.1Кар 10:25
Хто есьць, не прыніжай таго, хто ня есьць; і хто ня есьць, не асуджай таго, хто есьць: бо Бог прыняў яго.
Хто ты, што асуджаеш чужога раба? Перад сваім гаспадаром стаіць ён ці падае; і будзе пастаўлены, бо моцны Бог, каб паставіць яго.Як 4:12
Адзін адрозьнівае дзень ад дня, а другі мяркуе пра ўсякі дзень аднолькава. Кожны хай будзе цьвёрды ў сваім перакананьні.
Хто лічыцца з днём, дзеля Госпада лічыцца; і хто ня лічыцца з днём, дзеля Госпада ня лічыцца. Хто есьць, дзеля Госпада есьць, бо дзякуе Богу; і хто ня есьць, дзеля Госпада ня есьць і дзякуе Богу.1Кар 10:31; 1Цім 4:4
Бо ніхто з нас ня жыве дзеля сябе і ніхто не памірае дзеля сябе.1Пётр 4:2; 2Кар 5:15; 1Фес 5:10
А ці жывём - дзеля Госпада жывём, ці паміраем - дзеля Госпада паміраем. І таму, ці жывём, ці паміраем, - заўсёды Гасподнія.
Бо Хрыстос дзеля таго і памёр і ажыў, каб уладарыць і над мёртвымі і над жывымі.Мц 28:18; Дзеі 10:42
А ты чаго асуджаеш брата твайго? Альбо і ты, чаго прыніжаеш брата твайго? Усе мы паўстанем на суд Хрыстовы.Мц 7:1; 2Кар 5:10
Бо напісана: «жыву Я, кажа Гасподзь: перада Мною схіліцца кожны род, і кожнае племя будзе вызнаваць Бога».Іс 45:23; Мц 26:64; Флп 2:10
Так, кожны з нас за сябе адкажа перад Богам.Мц 12:36
Ня будзем жа болей судзіць адно аднаго, а лепей памяркуйце пра тое, як бы не даваць нагоды спатыкнуцца альбо спакусіцца.Мц 18:7
Я ведаю і ўпэўнены ў Госпадзе Ісусе, што няма нічога ў самім сабе нячыстага; яно нячыстае толькі ў таго, хто што-небудзь лічыць нячыстым.Мц 15:11
Калі ж за ежу засмучаецца брат твой, дык ты ўжо ня ў любові ходзіш; ня губі тваёю страваю таго, за каго Хрыстос памёр.1Кар 8:11
Хай ня зганіцца ваша добрае.
Бо Царства Божае ня ежа і ня пітво, а праведнасьць і мір і радасьць у Сьвятым Духу.1Кар 8:8; Гал 5:22
Хто гэтым служыць Хрысту, той богаспадобны і варты ўхвалы людзкое.
Дык вось, будзем імкнуцца да таго, што служыць міру і ўзаемнай навуцы.
Дзеля ежы ня руйнуй дзеяў Божых: усё чыстае, але блага чалавеку, які есьць зь нядобрым сумленьнем.Мц 15:11
Лепей ня есьці мяса, ня піць віна і не рабіць нічога такога, ад чаго брат твой спатыкаецца, альбо спакушаецца, альбо зьнемагае.
Ты маеш веру? май яе сам у сабе, перад Богам. Дабрашчасны, хто не асуджае сябе за тое, што выбірае.1Ян 3:21
А хто сумняваецца, калі есьць, асуджаецца, бо не паводле веры; а ўсё, што не паводле веры, грэх.Ціт 1:15
А Таму, Хто можа сьцьвердзіць вас, паводле зьвеставаньня майго і пропаведзі Ісуса Хрыста, паводле адкрыцьця тайны, пра якую ад вечных часоў маўчалася,1Кар 2:7
але якая цяпер яўлена і празь Пісаньні прарочыя, па загадзе вечнага Бога, абвешчана ўсім народам для скарэньня іх веры,Іс 42:16
адзінаму мудраму Богу, празь Ісуса Хрыста, слава навекі. Амін.