Ёў Ёў, раздзел Кніга Ёва, раздзел 21
І адказваў Ёў і сказаў:
выслухайце ўважліва слова маё, і гэта будзе мне суцяшэньнем ад вас.
Патрывайце мяне, і я буду гаварыць; а пасьля таго, як пагавару, насьміхайцеся.
Хіба да чалавека слова маё? як жа мне і не маладушнічаць?
Паглядзеце на мяне і жахнецеся, і пакладзеце палец на вусны.Міх 7:16
Як толькі я згадаю, - уздрыгваю, і трымценьне абдымае цела маё.
Чаму беззаконныя жывуць, дасягаюць старасьці, ды і сілаю моцныя?Ер 12:1; Абак 1:13
Дзеці іхнія зь імі перад абліччам ў іх, і ўнукі іхнія перад вачыма ў іх.
Дамы іхнія ўбясьпечаны ад страху, і няма жазла Божага на іх.Пс 72:4; Пс 143:12
Бык іхні апладняе і ня выкідае, карова іхняя зачынае, і ня скідае.
Як статак, выпускаюць яны малечу сваю, і дзеці іхнія скачуць.
Усклікаюць пад тымпан і цытру і весяляцца пад жалейку;Іс 5:12; Ам 6:5
бавяць дні свае ў шчасьці і імгненна сыходзяць у апраметную.
А тым часам яны кажуць Богу: адыдзі ад нас, ня хочам мы ведаць шляхоў Тваіх!Ёў 22:17; Ер 2:20
што нам Усеўладны, каб слугаваць Яму? і якая карысьць хінуцца да Яго?Мал 3:14
Бачыш, шчасьце іхняе не ад іхніх рук. - Парада бязбожных, будзь далёкая ад мяне!Ёў 22:18
Ці часта тухне сьвяцільня ў беззаконных, і нападае на іх бяда, і Ён дае ім на долю пакуты ў гневе Сваім?Ёў 18:5; Ёў 29:3; Ёў 38:15
Яны павінны быць, як саломінка перад ветрам, і як мякіна, якую нясе віхура.Пс 1:4; Іс 29:5; Ас 13:3
Скажаш: Бог ашчаджае дзецям ягоным няшчасьце ягонае. - Хай аддасьць ён яму самому, каб ён гэта ведаў.
Хай яго вочы ўбачаць няшчасьце ягонае, і хай ён сам п'е ад гневу Ўсеўладнага.
Бо які яму клопат да дому свайго пасьля яго, калі лік месяцаў ягоных скончыцца?Пс 54:24; Пс 57:10
Але ці Бога вучыць мудрасьці, калі Ён судзіць і вышніх?
Адзін памірае ў самай поўніцы сілы сваёй, цалкам спакойны і мірны;
нутроба ягоная поўная тлушчу, і косткі ягоныя напоены мозакам.
А другі памірае з душою засмучанаю, не зазнаўшы дабра.
І яны разам будуць ляжаць у пыле, і чэрві пакрыюць іх.Ёў 17:14
Ведаю я вашыя думкі і ўлоўкі, якія вы супраць мяне плецяце.
Вы скажаце: дзе дом князя, і дзе намёт, у якім жылі беззаконныя?
Хіба вы ня пыталіся ў вандроўнікаў і не знаёмыя зь іхнімі назіраньнямі,
што ў дзень пагібелі літаваны бывае злодзей, у дзень гневу адводзіцца ўбок?Пс 72:18; Выс 16:4
Хто паставіць яму перад аблічча ягонае шлях ягоны, і хто аддасьць яму за тое, што ён учыняў?
Яго праводзяць да магілы і на яго магіле ставяць варту.
Салодкія яму камлыгі даліны, і за ім ідзе натоўп людзей, а тым, што ідуць перад ім, ліку няма.
Як жа вы хочаце суцяшаць мяне пустым? У вашых адказах застаецца толькі мана.Ёў 16:2