Быц Быццё, раздзел Першая кніга Майсеева. Быццё, раздзел 49

I паклікаў Якуб сыноў сваіх, і сказаў: «Зьбярыцеся, і я паведамлю вам, што спаткае вас у пазьнейшыя дні.Дрз 33:1

Зыйдзіцеся і паслухайце, сыны Якуба, паслухайце Ізраіля, бацьку свайго.

Рубэн, першародны мой, ты — моц мая і пачатак сілы маёй, перавышаеш [усіх] годнасьцю і перавышаеш магутнасьцю.Быц 29:32; Дрз 21:17

Ты пеніўся, як вада, і ня будзеш узвышаны, бо ты ўзыйшоў на ложак бацькі свайго; тады ты зьняважыў пасьцель маю, узыйшоўшы [на яе].Быц 35:22; 1Пар 5:1

Сымон і Левій, браты, зброя іхняя — прылада гвалту.Быц 34:25

У нараду іхнюю ня ўвойдзе душа мая, і да супольнасьці іхняй не далучыцца слава мая, бо ў гневе сваім яны забілі мужа і ў свавольстве сваім скалечылі вала.Быц 34:26

Пракляты гнеў іхні, бо моцны, і лютасьць іхняя, бо заядлая. Падзялю іх у Якубе і расьцярушу іх у Ізраілі.Нав 19:1; Нав 21:3

Юда, цябе выслаўляць будуць браты твае. Рука твая — на карку ворагаў тваіх; паклоняцца табе сыны бацькі твайго.1Пар 4:27; 1Пар 4:38; 1Пар 4:41

Юда — малады леў; ад здабычы, сыне мой, ты падымаешся. Прыхіліўся, лёг, як леў і як ільвіца, хто падыме яго?Лік 24:9

Ня будзе адняты скіпетр ад Юды і заканадаўца — ад ног ягоных, аж пакуль ня прыйдзе Той, Каму ён [належыць], і Яму — паслухмянасць народаў.1Пар 5:2; Ян 1:45; Ян 5:46; Мц 2:6

Ён прывяжа да вінаграднай лазы асла свайго і да парастка выборнага вінаграду — асьлянятка асьліцы сваёй. Ён абмые ў віне шаты свае і ў крыві вінаграду — адзеньне сваё.Іс 63:1

Вочы [ягоныя] чырванейшыя за віно, а зубы — бялейшыя за малако.Адкр 1:14

Завулён на беразе мора будзе жыць і каля прыстані караблёў, і межы ягоныя — да Сідону.Нав 19:10

Ісахар — асёл касьцісты, што ляжыць паміж загарадаў.Суд 5:15

I ўбачыў ён супачынак, што добры, і зямлю, што прыемная, і нахіліў плечы свае насіць цяжары і стаў слугою паднявольным.Дрз 33:18

Дан будзе судзіць народ свой, як адзін з родаў Ізраіля.Суд 13:25

Будзе Дан зьмеем на дарозе, гадзюкай на сьцежцы, якая кусае пяты каня, і валіцца вершнік ягоны назад.Суд 18:1

На збаўленьне Тваё спадзяюся, ГОСПАДЗЕ!Пс 119:166; Лк 2:30

Гад — войскі будуць перамагаць яго, але ён пераможа пяты [іхнія].Лік 32:17

Пра Асэра — тлусты хлеб ягоны, і ён будзе даваць прысмакі валадарскія.Дрз 33:24

Нэфталі — ланя, выпушчаная [на свабоду], што дае прыгожыя словы.Суд 4:6

Галіна плодная Язэп, галіна плодная над крыніцаю, галіны ягоныя пнуцца па муры.Быц 48:16

І засмучалі яго, і стралялі ў яго, і ненавідзелі яго стральцы.

I застаўся моцным лук ягоны, і ўмацаваліся рамёны рук ягоных — ад рук Магутнага Якубавага, адтуль Пастыр, Скала Ізраіля;Дрз 33:17

ад Бога бацькі твайго, і Ён дапаможа табе, і ад Усемагутнага, і Ён дабраславіць цябе дабраславеньнямі неба згары і дабраславеньнямі бяздоньня, што ляжыць унізе, дабраславеньнямі грудзей і ўлоньня.

Дабраславеньні бацькі твайго перавышаюць дабраславеньні бацькоў маіх, яны аж да вяршыняў узгоркаў адвечных. Няхай будуць яны на галаве Язэпа і на цемені выбранага між братамі сваімі.Дрз 33:16

Бэн’ямін — воўк драпежны, раніцаю будзе есьці здабычу і ўвечары будзе дзяліць прыбытак».Суд 20:21; Суд 20:25; Суд 20:31

Усіх гэтых родаў Ізраіля — дванаццаць, і гэта тое, што прамаўляў ім бацька іхні; і дабраславіў іх, і кожнага паводле дабраславеньня ягонага дабраславіў.

I загадаў ён ім, і сказаў ім: «Я буду далучаны да народу майго. Пахавайце мяне каля бацькоў маіх, у пячоры, якая на полі Эфрона Хета,Быц 25:8; Быц 47:30

у пячоры, што на полі Махпэля, якое насупраць Мамрэ ў зямлі Ханаан, якую купіў Абрагам разам з полем Эфрона Хета на ўласнасьць для пахаваньня.Быц 23:16; Быц 50:13; Дзеі 7:16

Там пахавалі Абрагама і Сару, жонку ягоную, там пахавалі Ісаака і Рэбэку, жонку ягоную; і там я пахаваў Лею.Быц 25:9; Быц 35:29

Набытыя гэтае поле і пячора, якая на ім, у сыноў Хета».

I скончыў Якуб загадваць сынам сваім, і палажыў ногі свае на ложак, і сканаў, і быў далучаны да народу свайго.Дзеі 7:15