1Ян 1 Яна, раздзел Першае пасланне Яна, раздзел 3
Глядзеце, якую любоў даў нам Айцец, каб нам называцца і быць дзецьмі Божымі. Сьвет таму ня ведае нас, што не спазнаў Яго.Ян 1:12
Любасныя! мы цяпер дзеці Божыя; але яшчэ ня выявілася, чым будзем. Ведаем толькі, што, калі выявіцца, будзем падобныя да Яго, бо ўгледзім Яго, як Ён ёсьць.Мц 5:8; 1Кар 13:12
І кожны, хто мае гэтую надзею на Яго, ачышчае сябе, бо Ён чысты.2Кар 7:1
Кожны, хто робіць грэх, робіць і беззаконьне; і грэх ёсьць беззаконьне.1Ян 5:17
І вы ведаеце, што Ён зьявіўся дзеля таго, каб узяць грахі нашыя, і што ў Ім няма грэху.Іс 53:4; Іс 53:9; 1Пётр 2:22
Кожны, хто жыве ў Ім, ня грэшыць; кожны, хто грэшыць, ня бачыў Яго і не спазнаў Яго.
Дзеці! хай ня зводзіць вас ніхто. Хто чыніць праўду, той праведны, падобна як Ён праведны.Езк 18:9
Хто чыніць грэх, той ад д'ябла, бо спачатку д'ябал зграшыў. На тое якраз і зьявіўся Сын Божы, каб разбурыць дзеі д'ябла.Ян 8:44
Кожны, народжаны ад Бога, ня робіць грэху, бо насеньне Ягонае жыве ў ім; і ён ня можа грашыць, бо народжаны ад Бога.1Пётр 1:23; 1Ян 5:18
Дзеці Божыя і дзеці д'яблавыя пазнаюцца так: кожны, хто ня чыніць праўды, ня ёсьць ад Бога, як і той, хто ня любіць брата свайго.
Бо такое зьвеставаньне, якое вы чулі ад пачатку, - каб мы любілі адно аднаго,Ян 13:34; Ян 15:12; 1Ян 4:21
ня так, як Каін, які быў ад зламысьніка, і забіў брата свайго. А за што забіў яго? За тое, што дзеі ягоныя былі ліхія, а дзеі брата ягонага праведныя.Быц 4:8; Мц 23:35; Габр 11:4
Ня зьдзіўляйцеся, браты мае, калі сьвет ненавідзіць вас.Ян 15:18
Мы ведаем, што мы перайшлі са сьмерці ў жыцьцё, бо любім братоў; хто ня любіць брата, застаецца ў сьмерці.Ляв 19:17; Эф 2:5
Кожны, хто ненавідзіць брата свайго, ёсьць душагуб; а вы ведаеце, што ніякі душагуб ня мае жыцьця вечнага, якое ў ім заставалася.
Любоў спазналі мы ў тым, што Ён паклаў за нас душу Сваю: і мы павінны класьці душы свае за братоў.Ян 15:13; Рым 5:8; Эф 5:2
А хто мае дастатак на сьвеце, але, бачачы брата свайго ў нястачы, зачыняе ад яго сэрца сваё, - як застаецца ў тым любоў Божая?Дрз 15:8; Лк 3:11; Як 2:15
Дзеці мае! будзем любіць ня словам альбо языком, а ўчынкамі і праўдаю.
І вось, па чым спазнаём, што мы ад праўды, і супакойваем перад Ім сэрцы нашыя;Ян 18:37
бо калі сэрца (нашае) асуджае нас, дык тым болей Бог, таму што Бог большы за сэрца нашае і ведае ўсё.
Любасныя! калі сэрца нашае не асуджае нас, дык мы маем адвагу перад Богам,1Ян 2:28; Габр 10:22
і, чаго ні папросім, атрымаем ад Яго, бо трымаемся запаведзяў Ягоных і робім богаспадобнае перад Ім.Мц 21:22; Ян 15:7; 1Ян 5:14
А запаведзь Ягоная тая, каб мы веравалі ў імя Сына Ягонага, Ісуса Хрыста, і любілі адно аднаго, як Ён наказаў нам.Ян 6:29; Ян 13:34; Ян 17:3
І хто захоўвае запаведзі Ягоныя, той жыве ў Ім, і Ён у тым. А што Ён жыве ў нас, спазнаём па духу, які Ён даў нам.Ян 14:23