1Ян 1 Яна, раздзел Першае пасланне Яна, раздзел 4
Любасныя! ня кожнаму духу верце, а выпрабоўвайце духаў, ці ад Бога яны, бо многа ілжэпрарокаў зьявілася ў сьвеце.Мц 7:15; Адкр 2:2
Духа Божага (і духа аблуды) пазнавайце так: кожны, які вызнае Ісуса Хрыста, што прыйшоў у плоці, ёсьць Божы;
а кожны дух, які не вызнае Ісуса Хрыста, што прыйшоў у плоці, ня ёсьць Божы, а гэта дух антыхрыста, пра якога вы чулі, што ён прыйдзе і цяпер ёсьць ужо ў сьвеце.1Ян 2:22; 1Кар 12:3
Дзеці! вы Божыя, і перамаглі іх; бо Той, хто ў вас, большы за таго, хто ў сьвеце.2Пар 32:7
Яны ад сьвету, таму і гавораць па-сьвецку, і сьвет слухае іх.Ян 15:19
Мы Божыя: хто ведае Бога, той слухае нас; хто ня Божы, той ня слухае нас. Вось па гэтым пазнаём духа ісьціны і духа аблуды.Ян 8:47
Любасныя! будзем любіць адно аднаго, бо любоў ад Бога, і кожны, хто любіць, народжаны ад Бога і ведае Бога;
хто ня любіць, той не спазнаў Бога, таму што Бог ёсьць любоў.
Любоў Божая да нас адкрылася ў тым, што Бог паслаў у сьвет Адзінароднага Сына Свайго, каб мы атрымалі жыцьцё празь Яго.Іс 9:6; Ян 3:16; 2Кар 5:19
У тым любоў, што ня мы палюбілі Бога, а Ён палюбіў нас і паслаў Сына Свайго, каб умілажаліцца з грахоў нашых.1Ян 2:2; Рым 5:8
Любасныя! калі так палюбіў нас Бог, дык і мы павінны любіць адно аднаго.Мц 18:33; Ян 15:12
Бога ніколі ніхто ня бачыў: калі мы любім адно аднаго, дык Бог у нас жыве, і любоў Ягоная дасканалая ёсьць у нас.Вых 33:20; Ян 1:18; 1Цім 6:16
Што мы жывём у Ім і Ён у нас, пазнаём з таго, што Ён даў нам ад Духа Свайго.1Ян 3:24
І мы бачылі і сьведчым, што Айцец паслаў Сына Збаўцам сьвету.
Хто вызнае, што Ісус ёсьць Сын Божы, у тым жыве Бог, і ён у Богу.1Ян 5:5; Рым 10:9
І мы спазналі любоў, якую мае да нас Бог, і паверылі ў яе. Бог ёсьць любоў, і хто жыве ў любові, той жыве ў Богу, і Бог у ім.1Ян 3:24
Любоў да той дасканаласьці дасягае ў нас, што мы маем адвагу ў дзень судны, бо ўчыняем у сьвеце гэтым, як Ён.
У любові няма страху, а дасканалая любоў праганяе страх, бо ў страху ёсьць пакута; хто баіцца, той не дасканалы ў любові.
Будзем любіць Яго, бо Ён раней палюбіў нас.
Хто кажа: я люблю Бога, а брата свайго ненавідзіць, той ілжэ; бо хто ня любіць брата свайго, якога бачыць, як можа любіць Бога, Якога ня бачыць?1Ян 2:4; 1Ян 3:17
І мы маем ад Яго такі наказ, каб той, хто любіць Бога, любіў і брата свайго.Мц 22:37; Мц 22:39; Ян 13:34; 1Ян 3:11