Выс Выслоўі, раздзел Кніга выслоўяў Саламонавых, раздзел 29
Чалавек, які на дакараньне робіць цьвёрдым карак свой, раптоўна будзе зьнішчаны, і ня будзе аздараўленьня.Выс 28:14
Калі памнажаюцца праведнікі, радуецца народ, а калі пануе бязбожнік, народ стогне.Вых 2:23
Чалавек, які любіць мудрасьць, радуе бацьку свайго, а той, які сябруе з распусьніцамі, распускае маёмасьць.Выс 10:1; Лк 15:13
Валадар правасудзьдзем умацоўвае зямлю, а чалавек, які [любіць] дары, руйнуе яе.
Чалавек, які лісьлівіць бліжняму свайму, стаўляе сетку нагам ягоным.
У злачынстве ліхога чалавека пастка [для яго], а праведнік сьпявае і радуецца.Пс 9:17
Праведнік ведае справу ўбогіх, а бязбожнік і ня думае ведаць [яе].Выс 28:5
Блюзьнеры ўзбураюць горад, а мудрыя ўтаймоўваюць гнеў.Выс 11:11; Экл 9:18
Мудры чалавек, судзячыся з неразумным, і злуецца, і сьмяецца, і ня мае спакою.
Людзі крывавыя ненавідзяць беззаганнага, а правыя дбаюць пра душу ягоную.
Дурань выяўляе ўвесь свой дух, а мудры затрымлівае яго на пазьней.Выс 15:1
Калі пан зважае на словы фальшывыя, тады бязбожныя ўсе, што служаць яму.
Бядак і прыгнятальнік сустракаюцца, сьвятло вачам іх абодвух дае ГОСПАД.
Валадар, які судзіць убогіх паводле праўды, умацуе пасад свой на вякі.Выс 16:12; Выс 20:28; Выс 25:5
Дубец і дакор даюць мудрасьць, а дзіцё, пакінутае [само сабе], — сорам для маці яго.Выс 10:1
Калі памнажаюцца бязбожнікі, памнажаюцца злачынствы, але праведнікі ўбачаць падзеньне іх.Пс 37:36
Карай сына твайго, і ён дасьць табе супачыць, і дасьць асалоду для душы тваёй.Выс 23:13
Без [прароцкага] відзежу народ неакелзаны, а хто захоўвае закон, той шчасьлівы.
Словамі ня будзе настаўлены слуга, бо хоць зразумее, але ня дасьць адказу.
Ці бачыў ты чалавека, хуткага на словы? На дурня большая надзея, чым на такога.Экл 5:1; Як 1:19; Выс 26:12
Калі з маленства песьціць слугу свайго, урэшце, той станецца гаспадаром.
Гняўлівы чалавек усчынае звадку, а раз’юшаны [ўчыняе] багата правінаў.Выс 15:18
Пыха чалавека прыніжае яго, а пакорлівы духам здабудзе славу.Ёў 22:29; Выс 15:33; Мц 23:12
Хто супольнічае са злодзеем, ненавідзіць душу сваю, ён чуе праклёны, але не выяўляе [гэтага].Ляв 5:1
Страх перад чалавекам стаўляе пастку, а хто спадзяецца на ГОСПАДА, будзе ў бясьпецы.Мц 14:5; Выс 16:20; Ер 17:7
Шмат хто шукае аблічча пана, але ГОСПАД судзіць чалавека.Выс 19:6
Агіда для праведнікаў — чалавек беззаконны, а для бязбожніка агідны той, што [ідзе] простым шляхам.Ян 15:19