ПсPsa ПсалтырŽalmy, псаломžalm ПсалтырKniha žalmů, псаломžalm 72

Překlady Porovnat

Для Салямона. Божа, дай суд Твой валадару, і праведнасьць Тваю — сыну валадара.Дан 7:27; Іс 11:5

Няхай судзіць ён народ Твой у праведнасьці, і ўбогіх Тваіх — у правасудзьдзі.Іс 32:1

Няхай прынясуць горы супакой народу, і ўзгоркі — праведнасьць.3Цар 5:4; Эф 2:14

Няхай ён судзіць убогіх з народу, выбаўляе сыноў беднякоў і скрышыць прыгнятальнікаў.Пс 45:5; Іс 11:4

Няхай баяцца Цябе пакуль будзе сонца і перад абліччам месяца з пакаленьня ў пакаленьне.Ер 31:36

Няхай ён зыходзіць, як дождж на атаву, як кроплі дажджу, што зямля ад іх вільгатнее.Суд 6:36; 2Цар 23:4

Няхай закрасуе праведнік у дні ягоныя, і будзе мноства супакою, аж пакуль месяц стаіць.Іс 35:1; Ас 14:6

І няхай ён мае ўладу ад мора да мора і ад ракі аж да краю зямлі.3Цар 5:1

Перад абліччам ягоным упадуць жыхары пустыні, і ворагі ягоныя будуць лізаць пыл.

Валадары Таршышу і астравоў дары яму панясуць; валадары Шэвы і Сэвы прынясуць яму даніну.Пс 45:13

І паклоняцца яму ўсе валадары, усе народы будуць служыць яму.Пс 22:30; Адкр 21:24

Бо ён ратуе беднага, калі той галосіць, і прыгнечанага, і таго, у каго няма дапамогі.

Ён літуецца над гаротным і бедным і выбаўляе душы бедакоў.Ян 5:7

Ад ашуканства і гвалту вызваляе душы іхнія, і ў вачах ягоных кроў іхняя вельмі каштоўная.

І будзе ён жыць, і даваць яму будуць золата Шэвы, і будуць маліцца за яго заўсёды, і будуць дабраслаўляць яго ўсе дні.Іс 53:10; Габр 7:16

І будзе дастатак збожжа на зямлі, на вяршынях гор; будуць шумець, як Лібан, каласы ягоныя, і мяшчане заквітнеюць, як трава на зямлі.Іс 27:6; Ас 14:6; Зах 10:8

І будзе імя ягонае на вякі, перад абліччам сонца будзе трываць імя ягонае, і будуць дабраслаўлёныя ў ім усе народы, і будуць шчасьлівыя ў ім.Быц 12:3; Гал 3:8; Гал 3:16

Дабраслаўлёны ГОСПАД Бог, Бог Ізраіля, Які Сам робіць цуды.1Пар 16:36; Лк 1:68

І дабраслаўлёнае імя славы Ягонай на вякі, і няхай напоўніцца славай Ягонай уся зямля! Амэн, амэн!Іс 6:3

Канец малітвы Давіда, сына Есэя.