Пс Псалтыр, псалом Псалтыр, псалом 95
Хадземце, будзем радавацца ў ГОСПАДЗЕ, усклікаць Скале збаўленьня нашага!Дрз 32:3
Станьма перад абліччам Ягоным з падзякаю, гімны ўсклікайма Яму!
Бо ГОСПАД ёсьць Бог вялікі і Валадар вялікі над усімі багамі.1Пар 16:25
У руцэ Ягонай глыбіні зямлі, і Ягоныя вяршыні найвышэйшыя гор.Пс 50:10
Ягонае мора, бо Ён яго ўчыніў, і сухазем’е рукі Ягоныя ўкшталтавалі.
Прыйдзіце, паклонімся і ўпадзем, укленчым перад абліччам ГОСПАДА, Творцы нашага!Пс 18:7; Пс 132:7
Бо Ён — Бог наш, а мы — народ чарады Ягонай і авечкі рукі Ягонай. Сёньня, калі пачуеце голас Ягоны:Габр 3:7; Габр 4:7
«Не рабіце цьвёрдымі сэрцы вашыя, як у Мэрыве, як у дзень выпрабаваньня ў пустыні,
дзе бацькі вашыя выпрабоўвалі Мяне, спакушалі Мяне, хоць і бачылі справы Мае!Вых 17:2; Вых 17:7
Сорак гадоў Я брыдзіўся пакаленьнем гэтым, і Я сказаў: “Яны — народ, што блукаецца сэрцам, і яны не спазналі шляхоў Маіх”.Лік 14:34
Дык Я прысягнуў у гневе Маім, што яны ня ўвойдуць у супачынак Мой».Габр 4:3