Эф Эфесянам, раздзел Пасланне да Эфесян, раздзел 2
І вас, мёртвых праз праступкі і грахі вашыя,Кал 2:13
у якіх вы некалі хадзілі паводле веку гэтага сьвету, па волі князя, які валадарыць у паветры, духа, які дзейнічае цяпер у сынах непакорнасьці, —Ян 12:31; 1Кар 6:11; Кал 3:7
між якімі і мы ўсе жылі некалі ў пажаданьнях цела нашага, выконваючы волю цела і думак, і былі па прыродзе дзецьмі гневу, як і іншыя, —
Бог, багаты міласэрнасьцю, праз вялікую любоў Сваю, якою палюбіў нас,Рым 2:4
і нас, мёртвых праз праступкі, ажывіў разам з Хрыстом, — ласкай [Божай] вы збаўленыя, —Рым 8:11
і ўваскрасіў, і пасадзіў у нябёсах у Хрысьце Ісусе,
каб зьявіць у вяках, якія прыходзяць, бязьмернасьць багацьця ласкі Сваёй у ласкавасьці да нас у Хрысьце Ісусе.Эф 3:8
Бо ласкаю [Божай] вы збаўленыя праз веру; і гэта не ад вас — Божы дар:Дзеі 15:11
не праз учынкі, каб ніхто не хваліўся.Рым 3:20
Бо мы — твор Ягоны, створаныя ў Хрысьце Ісусе на добрыя ўчынкі, якія Бог загадзя прыгатаваў, каб мы ў іх хадзілі.Іс 44:21; Ціт 2:14; Габр 13:21
Дзеля гэтага памятайце, што вы, некалі пагане целам, называныя неабрэзанымі праз тых, якія завуцца абрэзанымі целам [абразаньнем], зробленым рукамі,
што вы былі ў той час без Хрыста, адлучаныя ад грамадзянства Ізраіля і чужыя запаветам абяцаньня, ня маючы надзеі і бязбожнікі ў сьвеце.Нээм 2:20; Езк 13:9; Рым 9:4; Кал 1:21
А цяпер у Хрысьце Ісусе вы, што былі некалі далёка, сталіся блізкімі праз кроў Хрыста.Дзеі 2:39
Бо Ён — супакой наш, Які ўчыніў з абодвух адно і зруйнаваў загарадку, што стаяла пасярэдзіне,Іс 9:5; Ян 16:33
зьнішчыўшы варожасьць Целам Сваім, Закон прыказаньняў, які быў у пастановах, каб з двух стварыць у Сабе аднаго новага чалавека, прыносячы супакой,2Кар 5:17
і ў адным целе пагадзіць абодвух з Богам праз крыж, забіўшы на ім варожасьць.
І, прыйшоўшы, Ён дабравесьціў супакой вам, якія далёка і якія блізка,Іс 57:19; Зах 9:10
бо праз Яго абодва маем доступ да Айца ў адным Духу.Ян 14:6; Рым 5:2; Габр 10:19
Дык вы ўжо не чужынцы і ня прыхадні, але суграмадзяне сьвятым і хатнія ў Бога,
збудаваныя на падмурку апосталаў і прарокаў, маючы Самога Ісуса Хрыста за кутні камень,Іс 28:16; 1Пётр 2:4
на якім уся пабудова, разам змацаваная, расьце ў сьвятую бажніцу ў Госпадзе,Кал 2:19
на якім і вы разам будуецеся на жытло Божае Духам.2Кар 6:16