Выс Выслоўі, раздзел Кніга выслоўяў Саламонавых, раздзел 19
Лепш бедны, які ходзіць у беззаганнасьці сваёй, чым крывадушны вуснамі сваімі, і да таго ж дурны.Выс 28:6
Таксама нядобра душы бяз ведаў, і хто сьпяшаецца нагамі [сваімі], саграшыць.Выс 6:18
Неразумнасьць чалавека крывіць шлях ягоны, але сэрца ягонае гневаецца на ГОСПАДА.Як 1:13
Маёмасьць дадае шматлікіх сяброў, а ўбогага пакідае бліжні ягоны.Выс 14:20
Сьведка фальшывы не пазьбегне пакараньня, і хто дыхае няпраўдай, не ўратуецца.Дрз 19:19
Шмат хто паніжаецца перад магнатам, і кожны сябруе з чалавекам, які [дае] падарункі.
Усе браты беднага ненавідзяць яго, тым больш сябры ягоныя аддаляюцца ад яго; той бяжыць, каб паразмаўляць, але іх няма.
Хто набывае розум, той любіць душу сваю, хто шукае разважлівасьці — знаходзіць дабро.
Сьведка фальшывы не пазьбегне пакараньня, і хто дыхае няпраўдай, загіне.Выс 21:28
Не пасуе дурню раскоша, тым больш слузе мець уладу над князямі.Выс 30:21
Розум чалавека стрымлівае гнеў ягоны, і слава яго — у прабачэньні правінаў.Выс 14:29
Гнеў валадара — як рыканьне ільва, а зычлівасьць ягоная — як раса на траве.Эст 7:9; Рым 13:4
Неразумны сын — загуба для бацькі, а сварлівая жонка — як няспыннае капаньне [праз дах].Выс 10:1
Дом і маёмасьць — спадчына ад бацькоў, але разумная жонка — ад ГОСПАДА.Выс 18:22
Лянота кідае ў сон, і нядбайная душа будзе цярпець голад.
Хто захоўвае прыказаньні — захоўвае душу сваю, хто не шануе шлях Яго — памрэ.Выс 3:21; Лк 11:28
Хто літуецца над убогім, той пазычае ГОСПАДУ, за дабрадзейства Ён аднагародзіць яму.Пс 41:2; Мц 10:42; Мц 25:40
Карай сына свайго, пакуль ёсьць надзея, і няхай не спрычыніцца да загубы яго душа твая.Выс 13:24; Выс 23:13
Зласьлівы няхай атрымае пакараньне, бо калі пашкадуеш яго, яшчэ больш павялічыш [кару].
Слухай парады і прыймай настаўленьне, каб стаўся ты мудрым пры канцы [дзён].
Шмат думак у сэрцы чалавека, але збудзецца намер ГОСПАДА.Ёў 23:13; Выс 16:1
Пажаданая для чалавека міласэрнасьць ягоная, і бедны лепшы за чалавека хлусьлівага.
Страх перад ГОСПАДАМ [вядзе] да жыцьця, і такі [чалавек] будзе жыць, і насыціцца, і зло не наведае яго.
Гультай хавае руку сваю ў місе, але нават да вуснаў сваіх не падымае яе.Выс 26:15
Бі насьмешніка, і неразумны паразумнее, дакарай разумнага, і ён здабудзе веданьне.Выс 21:11
Руйнуе бацьку, выганяе маці сын, які прыносіць сорам і ганьбу.Выс 15:20
Перастань, сыне мой, слухаць настаўленьні, якія адводзяць ад словаў веданьня.
Сьведка нягодны насьміхаецца над судом, і вусны бязбожнікаў глытаюць злачынства.Ёў 15:16
Падрыхтаваныя прысуды для насьмешнікаў, а хвастаньне — на плечы дурняў.