Пс Псалтыр, псалом Псалтыр, псалом 76
Кіраўніку хору: на струнных інструмэнтах. Псальм Асафа. Сьпеў.
Вядомы ў Юдэі Бог, вялікае ў Ізраілі імя Ягонае.
І паўстаў у Салеме схоў Ягоны, і жытло Ягонае — на Сыёне.Езд 1:3
Там Ён скрышыў стрэлы луку, шчыт і меч, і вайну. (Сэлях)Пс 46:10; Іс 9:3
Ты зьзяеш, Ты слаўнейшы за горы здабычы.
Зрабаваныя моцныя сэрцам, дрэмлюць сном сваім, і не знайшлі ўсе мужы дужыя рук сваіх.
Ад пагрозаў Тваіх, Божа Якуба, здрантвелі і калясьніца, і конь.Суд 5:22
Ты, [толькі] Ты [напаўняеш] страхам, і хто можа ўстаяць перад абліччам Тваім у час гневу Твайго?
З неба Ты даеш пачуць прысуд, зямля ў страху і маўчаньні,Адкр 6:17
калі Бог падняўся на суд, каб збавіць усіх уцісканых на зямлі. (Сэлях)
Бо [нават] ярасьць чалавека будзе славіць Цябе, парэшткамі ярасьці Ты падпярэжашся.Езк 28:22
Давайце і спаўняйце абяцаньні ГОСПАДУ, Богу вашаму; усе, што навакол Яго, нясіце дары Страшліваму.Пс 61:9
Ён пазбаўляе духу князёў, Ён страшны для валадароў зямных.1Цар 14:15; Адкр 19:15