Пс Псалтыр, псалом Псалтыр, псалом 89
Навучаньне Этана Эзрахі.1Пар 15:17
Пра міласэрнасьць ГОСПАДА буду сьпяваць вечна; з пакаленьня ў пакаленьне буду апавядаць пра вернасьць Тваю вуснамі маімі.Пс 92:3
Бо я сказаў: «Навечна збудаваная міласэрнасьць, на нябёсах Ты ўгрунтаваў вернасьць Тваю».
«Я заключыў запавет Мой з выбранцам Маім, прысягнуў Давіду, слузе Майму:2Цар 7:12; Пс 132:11
“На вякі ўгрунтую насеньне тваё, збудую пасад твой з пакаленьня ў пакаленьне”». (Сэлях)
І нябёсы славяць цуды Твае, ГОСПАДЗЕ, і вернасьць Тваю — у царкве сьвятых.
Бо хто параўнаецца ў аблоках з ГОСПАДАМ? Хто падобны да ГОСПАДА сярод сыноў Божых?Пс 86:8
Бог гэтак страшлівы на нарадзе сьвятых, і страшны для ўсіх, што вакол Яго.
ГОСПАДЗЕ, Божа Магуцьцяў, хто гэтакі моцны, як Ты, ГОСПАДЗЕ? І вернасьць Твая навакол Цябе.Пс 77:14; Адкр 19:15
Ты пануеш над узьнёсласьцю мора, і калі хвалі ўздымаюцца, Ты іх сьцішаеш.Пс 107:29; Мц 8:26
Ты скрышыў Рагава, быццам параненага; рамяном моцы Тваёй Ты раскідаў ворагаў Тваіх.
Тваё ёсьць неба, і Твая — зямля; сусьвет і ўсё, што ў ім, Ты заснаваў.Быц 1:1
Поўнач і поўдзень — Ты іх стварыў; Табор і Гермон радуюцца дзеля імя Твайго.
Рамяно Тваё магутнае; рука Твая дужая, узьнятая правіца Твая.
Праведнасьць і суд — падставы пасаду Твайго; міласэрнасьць і праўда ідуць перад абліччам Тваім.Пс 93:2
Шчасьлівы народ, які ведае трубны голас Твой. ГОСПАДЗЕ, яны ходзяць у сьвятле аблічча Твайго!
У іменьні Тваім будуць радавацца яны ўвесь дзень, і праведнасьцю Тваёй будуць узвышаны.
Бо Ты — краса сілы іхняй, і праз ласку Тваю ўзьняты рог наш.Лк 1:69
Бо ад ГОСПАДА шчыт наш, і ад Сьвятога Ізраіля валадар наш.Пс 3:4; Пс 84:10
Тады, гаворачы ў відзежы да багабойнага Твайго, Ты сказаў: «Я даў успамогу волату, узвысіў юнака з народу.
Знайшоў Я Давіда, слугу Майго, сьвятым алеем Маім памазаў яго.1Цар 16:13; Дзеі 13:22
Рука Мая ўмацуе яго, і рамяно Маё ўзмоцніць яго.Іс 41:10
Не пераможа вораг яго, і сын беззаконьня не асіліць яго.2Цар 7:10
І Я скрышу перад абліччам ягоным тых, што прыгнятаюць яго, а тых, што ненавідзяць яго, павалю.
І будзе вернасьць Мая і міласэрнасьць Мая з ім, і ў імя Маё ўзьнясецца рог ягоны.
І Я палажу руку ягоную на мора, а правіцу ягоную — на рэкі.Пс 72:8; Адкр 10:2
Ён будзе клікаць Мяне: “Ты — Айцец Мой, Ты — Бог мой і скала збаўленьня майго!”2Цар 7:14; Габр 1:5
Я зраблю яго першародным, найвышэйшым між валадароў зямлі.Кал 1:18; Адкр 19:16
На вякі захоўваючы, захаваю для яго міласэрнасьць Маю, і запавет Мой з ім будзе верным.
І Я зраблю, што насеньне ягонае будзе трываць вечна, і пасад ягоны — як дні нябёсаў.Пс 72:5; 2Цар 7:13; Дан 2:44
Калі сыны ягоныя пакінуць Закон Мой і ня будуць хадзіць паводле судоў Маіх,
калі парушаць пастановы Мае і прыказаньняў Маіх ня будуць захоўваць,
Я наведаю правіны іхнія з кіем, і беззаконьні іхнія — з пакараньнямі,2Цар 7:14
але міласэрнасьці Маёй не забяру ў яго, і вернасьці Маёй ня здраджу.
Не парушу Я запавету Майго і таго, што выйшла з вуснаў Маіх, не зьмяню.2Цар 7:16
Я пакляўся [адзін] раз у сьвятасьці Маёй, што не схлушу Давіду.
Насеньне ягонае будзе на вякі, і пасад ягоны — як сонца перада Мною.2Цар 7:16; Пс 72:17; Лк 1:33; Ян 12:34
Як месяц будзе ўмацаваны ён на вякі, а сьведка ў небе — верны». (Сэлях)Адкр 1:5
Але Ты пакінуў і пагрэбаваў, адвярнуўся ад памазанца Твайго!
Ты пагардзіў запаветам са слугою Тваім, кінуў на зямлю дыядэму ягоную.Пс 44:10
Ты збурыў усе загарадкі ягоныя, прывёў загубу ў замкі ягоныя.Плач 2:6
Усе, што праходзілі дарогаю, рабавалі яго; ён стаўся ганьбаю для суседзяў сваіх.Пс 31:12; Пс 44:14
Ты ўзьняў правіцы тых, якія перасьледавалі яго, і ўзрадаваў усіх ворагаў ягоных.
Ты назад павярнуў джала мяча ягонага і ня даў перамогі ў вайне,
Ты прыбраў бляск ягоны і пасад ягоны паваліў на зямлю.
Ты скараціў дні маладосьці ягонай, ганьбай пакрыў яго. (Сэлях)
Як доўга, ГОСПАДЗЕ? Ці назаўсёды Ты будзеш хавацца? Ці будзе палаць, як агонь, ярасьць Твая?Пс 13:2
Узгадай, які век мой, якой марнасьцю Ты стварыў усіх сыноў чалавечых!
Хто з людзей можа жыць і ня ўгледзіць сьмерці? Хто выбавіць душу сваю з рукі пекла? (Сэлях)Пс 49:10
Дзе, Госпадзе, даўнейшая міласэрнасьць Твая, як Ты прысягаў Давіду ў вернасьці Тваёй!2Цар 7:15
Узгадай, Госпадзе, ганьбу слугаў Тваіх, што ў нутры я нашу ад усіх народаў шматлікіх,
якою зьневажаюць ворагі Твае, ГОСПАДЗЕ, якой зьневажаюць сьляды памазанца Твайго!
Няхай будзе дабраслаўлёны ГОСПАД на вякі. Амэн! Амэн!