Пс Псалтыр, псалом Псалтыр, псалом 92
Псальм. Сьпеў на дзень суботы.
Добра славіць ГОСПАДА і выслаўляць імя Тваё, Найвышэйшы!Пс 147:1
Апавядаць раніцаю міласэрнасьць Тваю, і вернасьць Тваю — уначы,Пс 89:2
на дзесяціструнным псалтыры і на гусьлях граючы.
Бо Ты ўзьвесяліў мяне, ГОСПАДЗЕ, справамі Тваімі, творам рук Тваіх буду радавацца.
Якія вялікія ўчынкі Твае, ГОСПАДЗЕ; вельмі глыбокія думкі Твае.Пс 104:24; Езк 47:5; Рым 11:33
Чалавек бязглузды ня будзе ведаць, і дурань не зразумее гэтага.Іс 26:10
Калі бязбожнікі зелянеюць, як трава, і ўсе ліхадзеі квітнеюць, няхай будуць яны зьнішчаны на вякі!Пс 37:2; Пс 129:6
А Ты, ГОСПАДЗЕ, узвышаны на вякі!Ёў 36:26; Пс 102:28
Бо вось ворагі Твае, ГОСПАДЗЕ, бо вось ворагі Твае загінуць, і будуць расьцярушаныя ўсе ліхадзеі.
І Ты ўзнясеш рог мой, як у аднарога, я буду памазаны сьвежым алеем.Лік 23:22
Будуць глядзець вочы мае на ворагаў маіх, і пра злачынцаў, якія паўсталі супраць мяне, пачуюць вушы мае.
Праведнік быццам пальма зелянее, ён расьце, як той кедр на Лібане.Пс 52:10
Насаджаныя ў Доме ГОСПАДА зелянеюць на панадворках Бога нашага.
Яны плод свой даюць і ў старасьці, яны сакавітыя і сьвежыя,Лк 2:36
каб абвяшчаць, што ГОСПАД справядлівы, Скала мая, і няма ў Ім беззаконьня.