Габр Габрэям, раздзел Пасланне да Габрэяў, раздзел 5
Бо кожны першасьвятар зь людзей выбіраны, людзям жа і пастаўляецца на служэньне Богу, каб прыносіць дары і ахвяры за грахі,
каб мог паблажаць неабазнаным і заблуканым; бо і сам абложаны немаччу,
і таму ён павінен як за людзей, так і за сябе прыносіць ахвяры за грахі.
І ніхто сам сабою ня прымае гэтага гонару, а толькі пакліканы Богам, як і Аарон.Лік 16:5; Лік 16:40
Так і Хрыстос ня Сам Сабе прысвоіў славу быць першасьвятаром, а Той, Хто сказаў Яму: «Ты Сын Мой, Я сёньня нарадзіў Цябе»;Пс 2:7; Ян 8:54; Габр 1:5
як і ў іншым месцы кажа: «Ты сьвятар навек па чыне Мелхісэдэка».Пс 109:4; Габр 7:17
Ён, у дні плоці Сваёй, зь вялікім галашэньнем і са сьлязьмі прынёс малітвы і маленьні Таму, Хто меў моц уратаваць Яго ад сьмерці, і пачуты быў за Сваю богабаязнасьць;Мц 26:39; Мк 14:35; Лк 22:44; Ян 12:27
хоць Ён і Сын, аднак празь цярпеньні навучыўся паслушэнству;Флп 2:7; Габр 1:5
і, удасканаліўшыся, спрычыніўся да вечнага збавеньня ўсіх паслухмяных Яму,
і быў названы ад Бога Першасьятаром па чыне Мелхісэдэка.
Пра гэта сьлед было б нам гаварыць многа; але цяжка патлумачыць, бо вы зрабіліся няздольныя слухаць.Мц 13:15; Ян 16:12
Бо, мяркуючы па часе, вам належала быць настаўнікамі; але вас зноў трэба вучыць першаасновам слова Божага, і вам патрэбнае малако, а ня цьвёрдая ежа.Ян 3:10; 1Пётр 2:2; 1Кар 3:1
Кожны, кормлены малаком, неабазнаны ў слове праўды, бо ён дзіця;1Кар 13:11; 1Кар 14:20
а цьвёрдая ежа ўласьцівая дасканалым, у якіх пачуцьці навыкам прывучаны адрозьніваць дабро і зло.Эф 4:11; Флп 3:15