1Кар 1 Карынфянам, раздзел Першае пасланне да Карынфян, раздзел 1
Павал, з волі Божай пакліканы апостал Ісуса Хрыста, і Састэн, брат, —Дзеі 18:17; Рым 1:1
царкве Божай, якая ў Карыньце, асьвячоным у Хрысьце Ісусе, пакліканым сьвятым з усімі, якія прызываюць імя Госпада нашага Ісуса Хрыста ў-ва ўсякім месцы, у іх і ў нас:Ян 17:19; Дзеі 15:9; 1Фес 4:7; 2Цім 2:19
ласка вам і супакой ад Бога Айца нашага і Госпада Ісуса Хрыста.1Пётр 1:2
Заўсёды дзякую Богу майму за вас з прычыны ласкі Божае, дадзенае вам у Хрысьце Ісусе,2Фес 1:3
бо ўсім вы ўзбагаціліся ў Ім, усякім словам і ўсякім веданьнем, —Кал 1:9
бо сьведчаньне Хрыстовае сьцьверджана ў вас, —1Кар 2:2
так што вы ня маеце нястачы ані ў якім дары, чакаючы адкрыцьця Госпада нашага Ісуса Хрыста,1Кар 12:11; Флп 3:20; Ціт 2:13
Які і ўгрунтуе вас да канца быць бездакорнымі ў дзень Госпада нашага Ісуса Хрыста.1Фес 3:13
Верны Бог, праз Якога вы пакліканыя ў супольнасьць Сына Ягонага Ісуса Хрыста, Госпада нашага.1Фес 5:24
Малю вас, браты, у імя Госпада нашага Ісуса Хрыста, каб усе вы казалі тое самае, і не было між вамі падзелаў, але каб вы былі злучаны ў тым самым розуме і ў той самай думцы.Рым 15:5; Флп 2:2
Бо паведамлена мне ад Хлоіных пра вас, браты мае, што між вамі ёсьць сваркі.
А кажу пра тое, што кожны з вас кажа: «Я — Паўлавы», «А я — Апалёсавы», «А я — Кіфавы», «А я — Хрыстовы».Дзеі 18:24
Ці разьдзяліўся Хрыстос? Ці Павал быў укрыжаваны за вас? Ці ў імя Паўла вы былі ахрышчаныя?Эф 4:5
Дзякую Богу, што я нікога з вас не ахрысьціў, акрамя Крыспа і Гая,Дзеі 18:8
каб не сказаў хто, што я хрысьціў у маё імя.
Ахрысьціў я таксама дом Стэфана, а ці ахрысьціў яшчэ каго, ня ведаю.
Бо Хрыстос паслаў мяне не хрысьціць, але дабравесьціць, і ня ў мудрасьці слова, каб не прынізіць крыжа Хрыстовага.2Пётр 1:16; 1Кар 2:13
Бо слова пра крыж для тых, якія гінуць, ёсьць глупства, а для нас, якія ідуць на збаўленьне, — сіла Божая.Дзеі 17:18; Рым 1:16
Бо напісана: «Загублю мудрасьць мудрых і розум разумных адкіну».Іс 29:14
Дзе мудры? Дзе кніжнік? Дзе дасьледчык гэтага веку? Ці не зрабіў Бог мудрасьць сьвету гэтага глупствам?Іс 33:18; Іс 44:25
Бо калі сьвет праз мудрасьць не пазнаў Бога ў мудрасьці Божай, спадабалася Богу праз глупства пропаведзі збавіць тых, якія вераць.Мц 11:25
Бо і Юдэі просяць знакаў, і Грэкі шукаюць мудрасьці;Мц 12:38; Мц 16:1
а мы абвяшчаем Хрыста ўкрыжаванага, для Юдэяў — згаршэньне, а для Грэкаў — глупства,Іс 8:14; Дзеі 17:18; Рым 9:32
а для тых, якія пакліканыя, і Юдэяў, і Грэкаў, — Хрыста, Божую сілу і Божую мудрасьць.Рым 1:16; Кал 2:3
Бо тое, што дурное ў Бога, мудрэйшае за людзей, і тое, што слабое ў Бога, дужэйшае за людзей.
Бо паглядзіце, браты, на пакліканьне вашае, што ня шмат [сярод вас] мудрых паводле цела, ня шмат магутных, ня шмат высакародных,Ян 7:48; Як 2:5
але Бог выбраў дурноту сьвету, каб асароміць мудрых, і слабое сьвету выбраў Бог, каб асароміць магутных,2Кар 10:5
і бязроднае сьвету, і пагарджанае, і тое, што ёсьць нічым, выбраў Бог, каб зьнішчыць тое, што нечым ёсьць,
каб ніводнае цела не хвалілася перад Ім.Рым 3:27; Эф 2:9
А вы — з Яго ў Хрысьце Ісусе, Які стаўся для нас мудрасьцю ад Бога, і праведнасьцю, і асьвячэньнем, і адкупленьнем,Ер 23:5; Ян 17:19; 1Пётр 1:18; Кал 2:3
каб было, як напісана: «Хто хваліцца, няхай у Госпадзе хваліцца».Ер 9:23; 2Кар 10:17